Connect with us

کھیل

پہلا ٹی ٹوئنٹی آج کراچی میں

شائع شدہ

کو

پہلا ٹی ٹوئنٹی آج کراچی میں

پاکستان اور ویسٹ انڈیز کے درمیان ٹی ٹوئنٹی سیریز کا پہلا میچ آج نیشنل اسٹیڈیم کراچی میں رات 8 بجے شروع ہوگا۔
گرین شرٹس کو طویل عرصے بعد زمبابوے کیخلاف 2015میں لاہور میں محدود اوورز کی سیریز کے دوران اپنی سرزمین پر انٹرنیشنل میچز کھیلنے کا موقع ملا تھا، بعد ازاں سری لنکا کیخلاف واحد ٹی ٹوئنٹی میچ بھی گذشتہ سال لاہور کے قذافی اسٹیڈیم میں ہی کھیلا گیا۔ اب ویسٹ انڈیز کی میزبانی کا اعزاز کراچی کو حاصل ہورہا ہے جہاں 9سال بعد انٹرنیشنل کرکٹ بحال ہوگی، یہاں آخری بار آنے والی غیرملکی ٹیم سری لنکا تھی،آئی لینڈرز نیشنل اسٹیڈیم میں پہلا ٹیسٹ کھیلنے کے بعد ہی لاہور گئے تھے جہاں دہشت گردوں کے حملے نے پاکستان کے میدان ویران کردیے، پی ایس ایل میں صلاحیتوں کے جوہر دکھانے والے پاکستانی کرکٹرز کو اب انٹرنیشنل کرکٹ میں کیریبیئن اسٹارزکا سامنا کرنا ہے۔
گرین شرٹس اس وقت ٹی ٹوئنٹی رینکنگ میں نمبر ون ہیں تو ویسٹ انڈیز اس فارمیٹ میں عالمی چیمپئن ہے،سیکیورٹی اور دیگر وجوہات کی بناپر مہمان اسکواڈ کمزور پڑجانے کے باوجود مختلف لیگز میں تہلکہ خیز کارکردگی پیش کرنے والے کرکٹرز کسی موقع پر بھی پاکستان کو حیران و پریشان کرسکتے ہیں۔ پہلے میچ کیلیے پاکستان کی جس 12 رکنی ٹیم کا اعلان کیا گیا ان میں احمد شہزاد، فخر زمان، بابر اعظم، شعیب ملک، آصف علی، سرفراز احمد(کپتان)، حسین طلعت، فہیم اشرف،محمد نواز،شاداب خان، محمد عامر اور حسن علی شامل ہیں، ان میں سے حتمی پلیئنگ الیون کا اعلان بعد میں کیا جائے گا،احمد شہزاد کمزور کڑی نظر آرہے ہیں،پی ایس ایل میں صرف19.22کی اوسط سے 173رنز بنانے کے باوجود اسکواڈ میں شامل کیے جانے والے اوپنر کیلیے یہ سیریز ایک لائف لائن سمجھی جا رہی ہے۔ بابر اعظم نے لیگ میں رنز تو بنائے لیکن موقع کے مطابق پاور ہٹنگ کی کمی نظر آئی،شعیب ملک بھی ایونٹ میں اپنے تجربے کا صحیح استعمال نہیں کرسکے،اب وہ بیٹ اور بال دونوں سے بہتر کارکردگی کا عزم لیے میدان میں اتریں گے،کپتان سرفراز احمد بھی میچ کا پانسہ پلٹ سکتے ہیں۔ ڈیبیو کے منتظر آصف علی اور حسین طلعت کی انٹرنیشنل کرکٹ میں انٹری پر سب کی نظریں ہونگی،محمد نواز اور شاداؓب خان بال اور بیٹ دونوں سے اپنی افادیت ثابت کرچکے،دونوں اچھی فارم میں بھی ہیں، پلیئنگ الیون میں دونوں اسپنرز کو شامل کرنے کا فیصلہ اہم ہوگا، شاہین آفریدی کو ابھی نہ آزمانے کا فیصلہ کرتے ہوئے محمد عامر اور حسن علی کے تجربے کو ترجیح دی گئی ہے،فہیم اشرف کو کھلانے کا فیصلہ کیا گیا تو حسین طلعت کی جگہ خطرے میں پڑ جائے گی۔
دوسری جانب ویسٹ انڈیز کے اسکواڈ میں جارح مزاج کپتان اور آل راؤنڈر کارلوس بریتھ ویٹ کی کمی محسوس ہوگی، کرس گیل، ایون لیوس جیسے اوپنرز اور جیسن آل راؤنڈر جیسا اسٹار بھی میسر نہیں، جیسن محمد کو قیادت کے ساتھ بیٹنگ کا بوجھ بھی اٹھانا ہوگا، کیریبیئنز کی 2 ورلڈ ٹوئنٹی20 فتوحات کے اہم کردار مارلون سموئلز دونوں میگا ایونٹس کے فائنلز میں مین آف دی میچ تھے،ان کا تجربہ اور اچھی فارم پاکستانی بولرز کیلیے مشکلات پیدا کرسکتی ہے۔دنیش رامدین بھی سینئر کا حق ادا کرنے کیلیے پُرعزم ہونگے، سیموئل بدری کی گھومتی گیندیں بیشتر بیٹسمینوں کو تگنی کا ناچ نچاتی رہی ہیں، ان کی بولنگ فارم ویسٹ انڈیز کیلیے اہم ہوگی، آندرے فلیچر اور کیڈوک والٹن پی ایس ایل میچز کیلیے پاکستان آئے اور کنڈیشنز کا تجربہ حاصل کرچکے ہیں، ریاد ایمرت کا شمار اچھے آل راؤنڈرز میں کیا جاتا ہے، کیمو پاؤل، ویرا سیمی پرمال، رومین پاویل، اوڈین اسمتھ اور خطرناک پیسر کیسرک ولیمز کی صلاحیتوں کااس ٹور میں امتحان ہوگا،آندرے میکارتھی اور اوڈین اسمتھ کو بنچ پر بٹھایا جاسکتا ہے۔

کھیل

پاکستان کا نقصان

شائع شدہ

کو

پاکستان کا نقصان

زمبابوے کے خلاف تیسرے ون ڈے میچ میں پاکستان کو دو اہم ترین فاسٹ بولرز محمد عامر اور حسن علی کی خدمات حاصل نہیں ہوں گی۔ سینیئر فاسٹ بولر وہاب ریاض اور راحت علی ٹیم سے باہر ہیں، جنید خان کو ٹیم میں جگہ حاصل کرنے میں مشکل پیش آرہی ہے جبکہ نوجوان بولرز حسن علی،عثمان خان شنواری اور شاہین شاہ آفریدی نے اپنی کارکردگی سے سینیئرز کے لیے خطرے کی گھنٹی بجا دی ہے۔ محمد عامر آئی سی سی چیمپئنز ٹرافی فائنل کے بعد بہت کم میچز میں نمایاں کارکردگی دکھا سکے ہیں۔ پاکستانی کرکٹ ٹیم انتظامیہ فاسٹ بولر محمد عامر کی غیر مستقل مزاج کارکردگی سے پریشان ہے اور انہیں زمبابوے کے خلاف بدھ کو ہونے والے تیسرے ون ڈے انٹر نیشنل میں آرام دینے کی تجویز ہے۔ توقع ہے کہ محمد عامر کی جگہ ایک اور لیفٹ آرم فاسٹ بولر جنید خان کو موقع دیا جائے گا جبکہ شعیب ملک کی جگہ چوتھے نمبر پر آل راؤنڈر فہیم اشر ف کو بیٹنگ میں اوپر کے نمبر پر کھلانے کی تجویز ہے۔
شعیب ملک پانچویں اور سرفراز احمد چھٹے نمبر پر آئیں گے۔ فہیم اشرف کو مڈل آرڈر میں جارحانہ بیٹنگ کے لیے استعمال کیا جائے گا تاکہ پاکستانی ٹیم بڑا اسکور بنا سکے۔ اس وقت یہی تاثر ہے کہ مڈل آرڈر میں سلو بیٹنگ کی وجہ سے پاکستانی ٹیم کے رنز بنانے کی رفتار کم ہو جاتی ہے۔پاکستان اور زمبابوے کے درمیان تیسرا ون ڈے انٹر نیشنل آج کوئینز کلب بولاوائیو میں کھیلا جائے گا۔ پانچ میچوں کی سیریز میں پاکستان کو دو صفر کی برتری حاصل ہے۔ محمد عامر نے پہلے میچ میں 21رنز دے کر ایک وکٹ حاصل کی تھی دوسرے میچ میں انہوں نے33رنز دیے تھے اور کوئی وکٹ حاصل نہیں کرسکے تھے۔ محمد عامر ٹیسٹ کرکٹ کو خیرباد کہنے پر غور کررہے ہیں اورتمام تر توجہ محدود اوورز کی کرکٹ پر دینا چاہتے ہیں لیکن محمد عامر ابھی تک سینیئر بولر والا کردار ادا کرنے میں ناکام ہیں۔
ون ڈے سیریز سے قبل ٹی ٹوئنٹی سیریز میں بھی محمد عامر کو پانچ میں سے تین میچ کھلائے گئے تھے۔ ذرائع کا کہنا ہے کہ مکی آرتھر اور سرفراز احمد چاہتے ہیں کہ محمد عامر فرنٹ سے لیڈ کریں لیکن ان کی کارکردگی میں تسلسل دکھائی نہیں دیتا۔ تیسرے میچ میں محمد عامر کی جگہ جنید خان کھیلیں گے۔26 سالہ محمد عامر پاکستان کی جانب سے33 ٹیسٹ 42 ون ڈے اور 41 ٹی ٹوئنٹی کھیل چکے ہیں۔ جنید خان اکتوبر کے بعد پاکستان کے لیے پہلا میچ کھیلیں گے۔ انہوں نے آخری ون ڈے سری لنکا کے خلاف شارجہ میں کھیلا تھا۔ دوسری جانب فاسٹ بولر حسن علی بھی گردن کی انجری کا شکار ہوگئے ہیں جس کے باعث تیسرے ون ڈے میں ان کی جگہ یاسر شاہ کو کھلانے کا فیصلہ کیا گیا ہے۔

پڑھنا جاری رکھیں

کھیل

بھارت کو شکست

شائع شدہ

کو

بھارت کو شکست

انگلینڈ نے بھارت کو تین میچوں پر مشتمل سیریز کے تیسرے میچ میں 8 وکٹوں سے شکست دے کر سیریز 1-2 سے اپنے نام کرلی۔ لیڈز میں کھیلے گئے میچ میں انگلینڈ نے ٹاس جیت پر مہمان ٹیم کو پہلے بیٹنگ کی دعوت دی۔ مشکل وکٹ پر بھارت کو ابتداء میں مشکلات کا سامنا کرنا پڑا اور 13 رنز پر اس کی پہلی وکٹ بھی گرگئی تاہم اگلی دونوں پارٹنرشپز نے انڈین اننگز کو سہارا دیا۔ بھارت کی جانب کپتان ویرات کوہلی 71، شکھر دھون 44 اور مہندر سنگھ دھونی 42 رنز کے ساتھ نمایاں رہے۔ اختتامی اوورز میں انگلینڈ کے بولرز کی نپی تلی گیند بازی کی بدولت بھارت اپنے مقررہ اوورز میں صرف 256 رنز ہی بناسکا۔ جواب میں انگلینڈ نے شاندار بلے بازی کا مظاہرہ کرتے ہوئے ہدف محض 44ویں اوور میں دو وکٹوں کے نقصان پر حاصل کرلیا۔ انگلینڈ کی جانب سے جو روٹ نے شاندار سنچری اسکور کی جبکہ کپتان اوئن مورگن 88 رنز بنانے میں کامیاب رہے۔ تین وکٹیں حاصل کرنے پر عادل رشید کو میچ کا بہترین کھلاڑی قرار دیا گیا خیال رہے کہ یہ سیریز آئی سی سی کی دو بہترین ایک روزہ ٹیموں کے درمیان تھی۔ انگلینڈ اس وقت رینکنگ میں پہلی جبکہ بھارت دوسری پوزیشن پر براجمان ہے۔

پڑھنا جاری رکھیں

کھیل

وطن واپس

شائع شدہ

کو

وطن واپس

پاکستان کرکٹ بورڈ کی جانب سے جاری ہونے والے بیان کے مطابق کرکٹ ٹیم مینجمنٹ نے حارث سہیل کو زمبابوے سے وطن واپسی کی اجازت دیدی ہے تاہم ان کے متبادل کے طور پر کسی کھلاڑی کو نہیں بلایا گیا۔ حارث سہیل کی بیٹی علیل ہیں جس کے باعث انہوں نے مینجمنٹ سے وطن واپس جانے کی درخواست کی تھی۔

پڑھنا جاری رکھیں

مقبول خبریں