Connect with us

انٹرنیشنل

خلائی اسٹیشن تباہ

شائع شدہ

کو

خلائی اسٹیشن تباہ

بیجنگ: چین کا بے قابو ہوجانے والا خلائی اسٹیشن تیانگونگ 1 آج پاکستانی وقت کے مطابق صبح 5:16 سے 5:30 کے درمیان جنوبی بحرالکاہل میں تاہیتی کے ساحل سے قریب سمندر میں گر کر تباہ ہوگیا جبکہ اس پورے واقعے میں کوئی جانی یا مالی نقصان نہیں ہوا۔اس طرح تقریباً 7 سال خلاء میں رہنے والی یہ 8 میٹرک ٹن وزنی تجربہ گاہ اپنے اختتام کو پہنچی۔ اس کی لمبائی 34 فٹ جبکہ چوڑائی 11 فٹ تھی۔یہ خلائی اسٹیشن زمینی کرہ ہوائی میں آواز سے 22 گنا زیادہ رفتار پر داخل ہوا اور فضا سے رگڑ کے باعث شدید گرم ہو کر کسی شہابِ ثاقب کی طرح جل اٹھا جبکہ ساتھ ہی ساتھ یہ کئی ٹکڑوں میں بھی ٹوٹ گیا۔ خلائی ماہرین کا کہنا ہے کہ جنوبی بحرالکاہل میں سمندر سے ٹکراتے وقت اس کے ٹکڑوں کی رفتار 27 ہزار کلومیٹر فی گھنٹہ نوٹ کی گئی۔
واضح رہے کہ تیانگونگ 1 اس چینی خلائی منصوبے کا حصہ ہے جس کے تحت انسان بردار خلائی اسٹیشن کو 2022ء تک مدار میں پہنچایا جائے گا۔ یہ تجربہ گاہ 2011 میں زمین کے گرد نچلے مدار میں بھیجی گئی تھی اور 2013 تک اس نے اپنا مشن مکمل کرلیا تھا جس کے بعد اس کی زمین پر واپسی تیاریاں شروع کردی گئی تھیں۔ 2016 میں تیانگونگ 1 کا زمین سے رابطہ منقطع ہوگیا اور اسے زمینی اسٹیشن سے قابو میں رکھنا ممکن نہیں رہا۔ اس بات کے پیش نظر چین نے دسمبر 2017 میں اقوامِ متحدہ کو باضابطہ طور پر مطلع کردیا کہ یہ خلائی جہاز مارچ 2018 کے اختتام تک زمین سے ٹکرا سکتا ہے۔

انٹرنیشنل

پارٹی سربراہ منتخب

شائع شدہ

کو

پارٹی سربراہ منتخب

جرمنی کی سوشل ڈیموکریٹک پارٹی نے اپنی 155 سالہ تاریخ میں پہلی مرتبہ ایک خاتون سیاستدان کو بطور سربراہ منتخب کر لیا ہے۔

جرمن ریڈیو کے مطابق اس ووٹنگ میں وسیع تر مخلوط حکومت میں شامل سوشل ڈیموکریٹک پارٹی (ایس پی ڈی) کے تقریبا 600 ارکان اور 45 بورڈ ممبرز حصہ لینے کے اہل تھے۔ اس ووٹنگ میں 66.35 فیصد ممبران نے آندریا ناہلیس کے حق میں ووٹ دیا جبکہ دیگر نے ان کی مخالفت کی، غیر حاضر رہے یا ووٹنگ کے عمل میں شرکت نہ کی۔ 47 سالہ آندریا ناہلیس کے انتخاب کو ایس پی ڈی کی مستقبل کے لیے انتہائی اہم قرار دیا جا رہا ہے۔اس کامیابی کے بعد ناہلیس نے کہا کہ حکومت میں رہتے ہوئے بھی پارٹی میں اصلاحات کی جا سکتی ہیں۔

پڑھنا جاری رکھیں

انٹرنیشنل

یمن میں بمباری، 20 ہلاک

شائع شدہ

کو

یمن میں بمباری، 20 ہلاک

یمن میں شادی کی تقریب میں فضائی کارروائی کے نتیجے میں 20 افراد ہلاک اور 40 افراد زخمی ہو گئے۔

غیر ملکی خبر رساں ادارے کے مطابق یمن کے شمالی صوبے حجاح کے علاقے بنی قیس میں فضائی بمباری کے نتیجے میں 20 افراد ہلاک اور 40 کے قریب زخمی ہوئے۔دوسری جانب حوثی باغیوں نے الزام عائد کیا ہے کہ سعودی فوجی اتحاد نے شادی کی تقریب میں فضائی بمباری کی۔

پڑھنا جاری رکھیں

انٹرنیشنل

ہیروئن اسمگلنگ کی کوشش ناکام

شائع شدہ

کو

ہیروئن اسمگلنگ کی کوشش ناکام

مصری حکام نے ملکی تاریخ کی ہیروئن کی سب سے بڑی کھیپ اسمگل کرنے کی کوشش ناکام بناتے ہوئے 5 ملزمان کو گرفتار کر لیا۔

مصری اخبار کے مطابق انسداد منشیات کے ادارے کو 21 اپریل کو ایک اطلاع ملی کہ منشیات کے بین الاقوامی اسمگلروں کا گروہ بحیرہ احمر کے راستے ہیروئن کی بڑی کھیپ سفاجا پورٹ پہنچانے کی کوشش کر رہا ہے۔رپورٹ کے مطابق حکام نے ساحل سے 40 میل کی دوری میں ایک ایرانی کشتی پر چھاپہ مار کر اس پر سوار 5 پاکستانیوں کو گرفتار کر کے ان کے قبضے سے ایک ٹن 350کلو گرام ہیروئن برآمد کر لی۔مصری حکام کے مطابق پکڑی گئی ہیروئن کی قیمت عالمی منڈی میں ساڑھے 65 ارب روپے بتائی گئی ہے۔پولیس نے گرفتار اسمگلروں کو عدالت میں پیش کیا جہاں سے انہیں 15 روزہ ریمانڈ پر جیل بھجوا دیا گیا ہے۔

پڑھنا جاری رکھیں

مقبول خبریں