Connect with us

شوبز

53 ویں سالگرہ، گوگل کا خراج عقیدت

شائع شدہ

کو

53 ویں سالگرہ، گوگل کا خراج عقیدت

'پاپ کوئین' کے نام سے مشہور پاکستان کی معروف و خوبرو گلوکارہ نازیہ حسن آج 53 برس کی ہوتیں لیکن ان کی زندگی نے وفا نہ کی اور وہ نوجوانی میں ہی خالق حقیقی سے جاملیں لیکن ان کی یادیں آج بھی دلوں میں زندہ ہیں نازیہ حسن کی آج 53 ویں سالگرہ ہے، اس موقع پرگوگل بھی انہیں خراج عقیدت پیش کرنے میں پیچھے نہیں رہا اور آج کا ڈوڈل گلوگارہ سے منسوب کردیا۔خوبصورت اور دلفریب آواز رکھنے والی نازیہ حسن 3 اپریل 1965 کو کراچی میں پیدا ہوئی تھیں۔ انہوں نےامریکن انٹرنیشنل یونیورسٹی اور لندن یونیورسٹی سے تعلیم حاصل کی، قانون کی تعلیم حاصل کرنے کے ساتھ وہ اقوام متحدہ کی ثقافتی سفیر کے طور بھی خدمات انجام دیتی رہیں۔انہوں نے گلوکاری کا آغاز 10 سال کی عمر میں کیا جس کے بعد گائیکی کی دنیا میں اپنا نام روشن کرتی چلی گئیں۔ نازیہ حسن نے پاپ گلوکاری کے اس سفر میں نہ صرف پاکستان میں نام بنایا بلکہ بھارت سمیت دنیا بھر میں خوب پزیرائی حاصل کی۔ آج کل کے گلوکار بھی نازیہ کے گانوں کے ریمکس بنا کر انہیں خراج عقیدت پیش کرتے ہیں۔ پاپ کوئن کے یادگار گیتوں میں 'دوستی'، 'ڈسکو دیوانے'، 'کریے پیار دیاں گلاں'، 'دل کی لگی'، 'آپ جیسا کوئی' اور دیگر شامل ہیں جو آج بھی کانوں میں رَس گھولتے ہیں۔انہوں نے متعدد قومی اور بین الاقوامی ایوارڈز بھی اپنے نام کیے۔ نازیہ حسن پاکستان کی وہ پہلی پاپ گلوکارہ ہیں جنہوں نے 15 سال کی عمر میں فلم فیئر ایوارڈز کا اعزاز اپنے نام کیا۔ ان کا گایا ہوا گیت ’آپ جیسا کوئی‘ بالی وڈ فلم ’قربانی‘ میں اداکارہ زینت امان پر فلمایا گیا جس کے مداح آج بھی دیوانے ہیں۔ 30 مارچ 1995 کو نازیہ حسن کی شادی بزنس مین مرزا اشتیاق بیگ سے ہوئی لیکن یہ شادی چل نہ سکی اور نازیہ کے دنیا سے رخصت ہونے سے 10 دن قبل دونوں میں طلاق ہوگئی۔ پاپ کوئین نازیہ حسن 13 اگست 2000 کو محض 35 سال کی عمر میں پھیپھڑوں کے کینسر کے باعث دنیا سے رخصت ہوگئیں۔ اگرچہ نازیہ حسن اس دنیا میں نہیں ہیں، لیکن آج بھی اپنی دلفریب گیتوں کی وجہ سے مداحوں کے دل میں زندہ ہیں۔

شوبز

باکس آفس پرطوفان آگیا

شائع شدہ

کو

باکس آفس پرطوفان آگیا

پاکستان کی سب سے بڑی فلم ’طیفا ان ٹربل ‘ نے سینما گھروں میں اینٹری دی اور باکس آفس پر طوفان مچادیا ۔’طیفا ان ٹربل‘کے ایکشن اور گانے شاندارر ہے ، بچے بڑے سب اس کے دیوانے ہوگئے ،فلم کی ٹکٹ کےلئے لمبی لمبی قطاریں لگ گئیں۔سینما گھروں میں ہائوس فل کا بورڈ لگ گیا ۔عوام نے ’طیفا ان ٹربل‘ کو سب سے فیورٹ مووی قراردیدیا۔علی ظفر اور مایا علی کے ساتھ دیگر کاسٹ نے فلم بینوں کا دل جیت لیا ۔ کراچی سمیت ملک بھر میں آج ریلیز ہونے والی علی ظفر کی فلم ’طیفا ان ٹربل ‘جس نے دیکھی وہ اس ہی کا ہوگیا ،فلم بینوں نے اسے بار بار دیکھنے کے قابل قرار دیا ۔
فلم میں علی ظفر اور مایا علی کی کیمسٹری ، کہانی کی ٹوئسٹ اینڈ ٹرنز ،بہترین ہدایت کاری ،شاندار لوکیشنز ،بے مثال کیمرہ ورک اور سپر ہٹ گانوں نے دیکھنے والوں سے خوب داد سمیٹی۔ فلم’طیفا ان ٹربل‘کی ملک کے مختلف سنیما ہاوسز میں شاندار نمائش جاری ہے۔

پڑھنا جاری رکھیں

شوبز

"ریس" میں ناکامی ، شوبھی فلاپ

شائع شدہ

کو

"ریس" میں ناکامی ، شوبھی فلاپ

بالی ووڈ سلطان سلمان خان نہ صرف اپنی دبنگ اداکاری کی وجہ سے جانے جاتے ہیں بلکہ وہ بھارت کے سب سے متنازعہ شو ’بگ باس‘ کی میزبانی میں بھی نام کماچکے ہیں۔ اس کے علاوہ ان کا ایک اور شو ’دس کا دم‘ بھی خاصی اہمیت کا حامل ہے جو کافی سالوں بعد دوبارہ آن ایئر ہوا ہے لیکن اس بار وہ مداحوں کو متاثر کرنے میں ناکام رہا یہی وجہ ہے کہ چینل انتظامیہ نے شو کے نام اور دن میں تبدیلی کا فیصلہ کیا ہے۔ بھارتی میڈیا رپورٹس کے مطابق سلمان خان کا شو ’دس کا دم‘ رواں سال جون میں شروع ہوا تھا اور توقع کی جارہی تھی کہ یہ شو ناظرین میں بہت مقبول ہوگا تاہم ایسا نہیں ہوا اور چینل انتظامیہ نے جتنی ریٹنگ کی امید لگائی تھی وہ نہ مل سکی یہی وجہ ہے کہ انتظامیہ نے شو کا نام ’دس کا دم‘ کے بجائے ’دس کا دم دار ویک اینڈ‘ رکھنے کا فیصلہ کیا ہے جو اب پیر، منگل کے بجائے ویک اینڈ میں رات ساڑھے 9 بچے آن ایئر ہوگا۔ رپورٹس کے مطابق ’’دس کا دم‘‘ کو ناظرین میں مزید مقبول کرنے کے لئے عوام کی انٹری کو محدود کرکے زیادہ سے زیادہ معروف شخصیات کو بلایا جائے گا جس میں سلو میاں اپنے مخصوص انداز میں میزبانوں کے ساتھ کوئز گیم کھیلیں گے۔

پڑھنا جاری رکھیں

شوبز

’سنجو‘آگے’بھائی جان‘پیھچے

شائع شدہ

کو

’سنجو‘آگے’بھائی جان‘پیھچے

بالی ووڈ اداکار سنجے دت کی زندگی پربننے والی فلم ’’سنجو‘‘ نے کمائی میں بالی ووڈ کے سلطان سلمان خان کی فلم ’’بجرنگی بھائی جان‘‘ کو بھی پیچھے چھوڑ دیا۔ راج کمار ہیرانی کی ہدایت کاری میں بننے والی فلم ’’سنجو‘‘ میں بالی ووڈ کے چاکلیٹی ہیرو رنبیر کپور کی جان دار اداکاری کی بدولت فلم اب تک متعدد ریکارڈ اپنے نام کرچکی ہے اور اب کامیابی میں ’’سنجو‘‘ نے بالی ووڈ کے دبنگ اداکار سلمان خان کی فلم ’’بجرنگی بھائی‘‘ کو بھی پیچھے چھوڑ دیا ہے۔ بھارتی میڈیا رپورٹس کے مطابق فلم ’’سنجو‘‘ نے کامیابی کے جھنڈے گاڑتے ہوئے 325 کروڑ 57 لاکھ کا ریکارڈ بزنس کیا ہے جب کہ سلمان خان کی فلم بجرنگی بھائی نے 320 کروڑ 24 لاکھ کا بزنس کیا تھا اور اب کہا جارہا ہے فلم ’سنجو‘ ، ’ٹائیگر زندہ ہے‘ کا ریکارڈ بھی اپنے نام کرلے گی۔ دوسری جانب ہدایت کار فلم ’’سنجو‘‘ کی مسلسل کامیابی کے بعد اسے چین میں بھی ریلیز کرنے کا سوچ رہے ہیں۔ اس حوالے سے سی ای او فوکس اسٹار اسٹوڈیو وجے سنگھ نے کہا ہے کہ چین کے بہت سے ڈسٹریبیوٹرز نے فلم سنجو دیکھنے کے بعد ہم سے رابطہ کیا اور فلم کو چین میں ریلیز کرنے کی دلچسپی ظاہر کی۔ اس کے علاوہ فلم کو جاپان، جنوبی کوریا اور دیگر ممالک میں بھی ریلیز کرنے کے حوالے سے غور کررہے ہیں۔

پڑھنا جاری رکھیں

مقبول خبریں