واشنگٹن نے چینی مصنوعات پر اضافی ٹیکس لگانے کی دھمکی دی تو بیجنگ نے بھی جوابی وار کی ٹھان لی۔ غیر ملکی میڈیا کے مطابق امریکا نے گزشتہ روز 200 بلین ڈالرز کی چینی مصنوعات پر دس فیصد اضافی ٹیکس لگانے کی دھمکی دی تو چین نے بھی جوابی وار کی ٹھان لی۔ بیجنگ نے امریکی اقدام کو ناقابل قبول قرار دیتے ہوئے دنیا پر زور دیا کہ وہ آزاد اور محفوظ تجارت کیلئے چین کا ساتھ دیں گزشتہ ہفتے واشنگٹن نے 34 بلین ڈالرز کی چینی درآمدات پر 50 فیصد اضافی ٹیکس لگایا تھا۔ اس کے جواب میں بیجنگ نے بھی اسی دن امریکی درآمدات پر 50 فیصد زائد ٹیرف کا اطلاق کر دیا تھا۔