Connect with us

پاکستان

سکھ خاتون صحافی بن گئی

شائع شدہ

کو

سکھ خاتون صحافی بن گئی

پشاورسے تعلق رکھنے والی من میت کورنجی ٹی وی چینل میں بطوررپورٹرکام کررہی ہیں ، ملکی تاریخ میں ایسا پہلی بارہوا ہے جب کوئی سکھ لڑکی ورکنگ ویمن کے طورپرسامنے آئی ہے۔ لاہورمیں اپنے رشتہ داروں سے ملنے اور گوردوارہ ڈیرہ صاحب لاہور میں ماتھا ٹیکنے آئی من میت کور نے ایکسپریس نیوزسے با ت کرتے ہوئے بتایا کہ وہ پشاورکی رہائشی اور 5 بہن بھائیوں میں تیسرے نمبرہیں اور پشاوریونیورسٹی سے سوشل ورک میں ماسٹرزکیا ہے جب کہ میڈیا ان کی فیلڈ نہیں تھی تاہم ایک نجی چینل نے انہیں سوشل رپورٹرکی پیش کش کی تووہ اس شعبے میں آگئیں۔
من میت کور کا کہنا ہے کہ پاکستان میں سکھوں کی بڑی تعداد آباد ہے لیکن آج تک کوئی لڑکی ورکنگ ویمن کے طورپرسامنے نہیں آئی ، سکھ لڑکیاں تعلیم حاصل کرکے گھروں میں بیٹھ جاتی ہیں لیکن انہوں نے ایسا نہیں کیا اوروہ میدان میں آئی ہیں ، انہوں نے جو تعلیم حاصل کی ہے اورجوشعبہ اختیارکیا اس کے ذریعے وہ ملک اور اپنی قوم کی خدمت کرنا چاہتی ہیں جب کہ دنیا کو دکھانا چاہتی ہیں کہ سکھ لڑکیاں کتنی باصلاحیت ہیں۔
انہوں نے کہا کہ اپنے ملک پاکستان کا نام بلند کرنے کے لئے محنت کریں گی، جب لوگوں کو معلوم ہوتا ہے کہ میں سکھ لڑکی ہوں توسب بہت محبت اورشفقت سے پیش آتے ہیں ، لوگ تعاون کرتے ہیں ، میں دنیا کودکھانا چاہتی ہوں کہ پاکستان میں باصلاحیت افرادکی قدرکی جاتی ہے خواہ ان کا تعلق کسی بھی مذہب اورذات برادری سے کیوں نہ ہو۔

پاکستان

آزاد امیدوار

شائع شدہ

کو

آزاد امیدوار

سابق سپیکر قومی اسمبلی ڈاکٹر فہمیدہ مرزا نے اعلان کیا ہے کہ وہ آئندہ انتخابات میں اپنے حلقے سے آزاد حیثیت میں الیکشن میں حصہ لیں گی ، انہیں دیگر سیاسی جماعتوں میں شمولیت کے پیغامات موصول ہو رہے ہیں ، تا ہم انہوں نے اپنی اور اپنے اہل خانہ کی آزاد حیثیت سے الیکشن میں حصہ لینے کے فیصلے سے ان سیاسی جماعتوں کے قائدین کو آگاہ کر دیا۔ اپنے بیٹے بیر سٹر حسنین مرزا کی جانب سے دیے گئے اپنے ایک بیان میں ڈاکٹر فہمیدہ مرزا کا کہنا تھا کہ وہ الیکشن سے متعلق شرائط و ضوابط ٹی او آرز (ترتیب دے رہی ہیں ، جنہیں دیگر سیاسی جماعتوں کو ارسال کر دیا گیا ہے ۔ بیر سٹر حسنین مرزا کی جانب سے بتایا گیا کہ ان شرائط و ضوابط میں بدین سمیت صوبے کے دیگر اضلاع میں پینے کے پانی اور سکولوں کی ابتر صورتحال اور کرپش شامل ہیں ، جنہیں میڈیا کے سامنے بھی لایا جائے گا ۔ تاہم انہوں نے یہ نہیں بتایا کہ کیا یہ ٹی او آرز پاکستان پیپلز پارٹی ) پی پی پی (کی قیادت کو بھی ارسال کی جائیں گی ؟

پڑھنا جاری رکھیں

پاکستان

عدالت میں پیش

شائع شدہ

کو

عدالت میں پیش

میرشکیل الرحمن اور میر ابراہیم الرحمان کے خلاف جھوٹی خبرشائع کرنے سے متعلق نجی استغاثہ کی سماعت ایڈیشنل ڈسٹرکٹ کورٹ جنوبی کی عدالت میں ہوئی اس موقع پرمیر شکیل الرحمن میر ابراہیم عدالت میں پیش ہوئے میر ابراہیم نے50 ہزار روپے کے ضمانتی مچلکے جمع کرائے جبکہ میر شکیل الرحمن کی جانب سے حاضری سے استثنیٰ کی درخواست دائر کی گئی۔ عدالت نے درخواست گزارکونوٹس جاری کیے،9جون کو دلائل طلب کیے ہیں ملزمان نے سینئر تحقیقاتی صحافی اسد کھرل کے خلاف جھوٹی خبر شائع کی تھی اسدکھرل نے ایک ٹی وی پروگرام میں میر شکیل الرحمان کے سمدھی جہانگیرصدیقی کی کرپشن سے متعلق خبرنشر کی تھی۔ ملزمان میرشکیل الرحمن اور میرابراہیم الرحمن نے جنگ، دی نیوز اور جیونیوز میں عدالت کا نام استعمال کرتے ہوئے جھوٹی خبرنشراور شائع کی تھی جس پر اسد کھرل نے ملزمان کے خلاف سیشن عدالت سے رجوع کیا تھا،کیس کی سماعت 9جون تک ملتوی کردی گئی۔

پڑھنا جاری رکھیں

پاکستان

100وکٹیں اڑادیں

شائع شدہ

کو

شہر قائد پہنچ گئے

کپتان عمران خان کی تباہ کن باؤلنگ سے کوئی سیاسی جماعت نہ بچ سکی، انہوں نے مختصر عرصے میں دوسری جماعتوں کی 100سے زائد بڑی وکٹیں اڑا کر ان کو اپنے ساتھ ملا لیا۔ عمران خان نے مسلم لیگ ن، پیپلزپارٹی، مسلم لیگ ق کی سب سے زیادہ وکٹیں اڑائیں جب کہ جے یو آئی (ف)، اے این پی اور متحدہ بھی نہ بچ سکیں۔ کپتان تحریک انصاف کے اقتدار میں آنے کی ہوا بنانے میں کامیاب ہوگئے ہیں جس سے سب سے زیادہ مسلم لیگ ن متاثر ہوئی، پیپلزپارٹی دوسرے نمبر پر رہی۔ کپتان نے پنجاب سے پیپلزپارٹی اور مسلم لیگ ق کے بڑے الیکٹبلز چھین لیے، مسلم لیگ ن کے60 سے زائد، پیپلزپارٹی کے 25 اور مسلم لیگ ق کے 15 الیکٹیبلز تحریک انصاف میں شامل ہوئے ہیں۔

پڑھنا جاری رکھیں

مقبول خبریں