Connect with us

انٹرنیشنل

خوشخبری سنادی

شائع شدہ

کو

خوشخبری سنادی

امریکی صدر ڈونلڈ ٹرمپ نے کہا ہے کہ شمالی کوریا کے ساتھ ’’ بہت اچھے طریقے‘‘ سے معاملات طے پاسکتے ہیں۔انھوں نے سوموار کو یہ بات شمالی کوریا کے لیڈر کِم جونگ اُن سے ملاقات سے ایک روز قبل کہی ہے۔ انھوں نے سنگاپور کے وزیراعظم لی شیان لونگ کی جانب سے اپنے اعزاز میں دیے گئے ظہرانے کے موقع پر کِم جونگ اُن سے منگل کو ہونے والی بات چیت کے بارے میں خوش اُمیدی کا اظہار کیا ہے۔ صدر ٹرمپ نے کہا:’’ ہم کل ایک بہت دلچسپ ملاقات کرنے جارہے ہیں اور میرے خیال میں معاملات بہت اچھے طریقے سے طے پاسکتے ہیں‘‘۔ انھوں نے میزبان وزیراعظم لی شیان سے مخاطب ہوکر کہا کہ سنگاپور میں ملاقات کا فیصلہ بہت سوچ سمجھ کر کیا گیا ہے۔
انھوں نے لی کا شکریہ ادا کرتے ہوئے کہا کہ ’’ ہم آپ کی میزبانی ، پیشہ واریت اور دوستی کو سراہتے ہیں‘‘۔ شمالی کوریا کے لیڈر کِم جونگ اُن بھی گذشتہ کل سے سنگاپور میں ہیں۔دونوں لیڈروں کے درمیان سنگاپور کی بندرگاہ کے ایک ریزارٹ آئلینڈ سینٹوسا میں واقع ہوٹل کاپیلا میں مقامی وقت کے مطابق کل صبح نو بجے ملاقات شروع ہوگی۔اس طرح وہ دونوں ملکوں کے درمیان تعلقات کے حوالے سےایک نئی تاریخ رقم کریں گے۔ اس ملاقات کے حوالے سے بہت سی توقعات وابستہ کی جارہی ہیں اور اگر دونوں لیڈروں کے درمیان جزیرہ نما کوریا کو جوہری ہتھیاروں سے پاک بنانے کے لیے کوئی سمجھوتا طے پاجاتا ہے تو اس سے امریکا کی اپنے ایک سخت حریف ملک شمالی کوریا سے دشمنی کے خاتمے اور دوستی کی راہ ہوجائے گی۔

انٹرنیشنل

پاکستان پیچھے

شائع شدہ

کو

پاکستان پیچھے

ورلڈ جسٹس پراجیکٹ نے رپورٹ جاری کی ہے جس کے مطابق عوام کے جان و مال کے تحفظ میں افغانستان کی صورتحال پاکستان سے بہتر ہے۔
امریکی ادارے ورلڈ جسٹس پراجیکٹ نے قانون کی حکمرانی سے متعلق رینکنگ رپورٹ جاری کی ہے۔ رینکنگ 1 لاکھ 10 ہزار گھروں کے سروے کے بعد جاری کی گئی اور 113 ممالک میں 3 ہزار ماہرین نے سروے کیا، قانون کی حکمرانی کو 8 نکات پر طے کیا گیا جب کہ رینکنگ حکومتی اختیارت، کرپشن کا خاتمہ، شفاف حکمرانی، بنیادی حقوق، احتساب، عوام کے جان و مال کا تحفظ، دیوانی او فوجداری انصاف کے پیمانوں پر کی گئی۔
رپورٹ کے مطابق قانون کی حکمرانی میں 113 میں سے پہلے 50 ممالک میں کوئی جنوبی ایشائی ملک شامل نہیں جب کہ اس حوالے سے پاکستان کا 105 واں نمبرہے، قانون کی حکمرانی میں ڈنمارک پہلے، ناروے دوسرے اور فن لینڈ تیسرے نمبر ہے، قانون کی حکمرانی میں امریکا 19ویں، نیپال 58، سری لنکا کا 59 واں، بھارت کا 62 واں، چین 75 ویں اور افغانستان کا 111واں نمبر ہے۔ رپورٹ کے مطابق کرپشن کی عدم موجودگی میں پاکستان کا 99 واں نمبر ہے، اوپن گورنمنٹ، حکومتی شفافیت میں پاکستان 80ویں، بنیادی حقوق میں 100واں جب کہ عوام کے جان و مال کے تحفظ میں پاکستان سب سے آخر 113 ویں نمبر پر ہے۔

پڑھنا جاری رکھیں

انٹرنیشنل

اندھے ہو گئے

شائع شدہ

کو

اندھے ہو گئے

بھارتی شہر آگرہ میں سڑک کی تعمیر کا کام کرنے والے مزدوروں نے کتے پر تارکول ڈال کر اس کے اوپر ہی سڑک بنا ڈالی۔
آگرہ میں تاج محل کے قریب سڑک کی تعمیر کا کام کرنے والے مزدوروں نے کنارے پر سوئے ہوئے کتے کو ہٹانے کی زحمت کیے بغیر اس کے اوپر گرم تارکول ڈال کر سڑک تعمیر کردی جس سے کتا موقع پر ہی ہلاک ہوگیا۔ حکام نے سارا الزام نجی کمپنی پر رکھتے ہوئے کہا کہ سڑک کی تعمیر اور استر کاری کا کام کمپنی کا تھا۔ اس واقعے پر جانوروں کے حقوق کے ادارے کے نگرانوں کا کہناہے کہ کتا اس وقت سو رہا تھا، اسے بھگانے کے بجائے اسی پر تارکول ڈالا گیا جس کی وجہ سے اس کا آدھا جسم سڑک میں ہی دب گیا۔ جانوروں کے حقوق کے کارکنوں نے زبردست احتجاج کرتے ہوئے تعمیراتی کمپنی کی گاڑیاں ضبط کرلیں اور کام رکوا دیا۔ کمپنی کے اعلیٰ عہدیدار کو جائے وقوعہ پر طلب کرلیا گیا۔ جس کے بعد مشینری کی مدد سے سڑک کو کھود کر کتے کی لاش نکالی گئی۔

پڑھنا جاری رکھیں

انٹرنیشنل

تلاش جاری

شائع شدہ

کو

تلاش جاری

انڈونیشیا کے جزیرے سماٹرا کی جھیل ٹوبا میں کشتی کے حادثے میں لاپتہ افراد 192 افراد کی تلاش جاری ہے، لوگ اپنے پیاروں کے بارے میں جاننے کے لئے جھیل کنارے پہروں انتظار کرتے ہیں۔ کشتی ڈوبنے کا واقعہ 6 روز قبل پیش آیا۔
18 جون کو خراب موسم کے باعث ڈوبنے والی کشتی پر سوار 18 افراد کو بچا لیا گیا جبکہ 4 افراد کی لاشیں تلاش کر لی گئی ہیں۔ اطلاعات کے مطابق کشتی پر 200 سے زائد لوگ سوار تھے اور 192 تاحال لاپتہ ہیں جنکی تلاش جاری ہے۔ حکام کے مطابق جس مقام پر کشتی ڈوبی اسکی گہرائی ساڑھے چار سو میٹر کے لگ بھگ ہے۔

پڑھنا جاری رکھیں

مقبول خبریں