پاکستان فیشن انڈسٹری سے تعلق رکھنے والی ٹاپ ماڈل نیہا احمد کی پراسرار" گمشدگی" ان دنوں شوبز حلقوں میں زیر بحث ہے۔

ذرائع نے بتایا ہے کہ نیہا احمد کا نہ تو اپنے کسی دوست اور نہ ہی فیشن انڈسٹری سے وابستہ کسی شخص سے رابطہ ہے جس کے باعث ان کے بارے میں طرح طرح کی افواہیں گردش کررہی ہیں-نیہا احمد نے طویل عرصے سے کسی فیشن شو میں بھی حصہ نہیں لیا-ذرائع نے انکشاف کیا ہے کہ نیہااحمد کافی عرصے سے یورپ میں اپنے ایک دوست کے ساتھ موج مستی میں مصروف ہیں جہاں وہ چند ماہ اور گزاریں گی البتہ ان کی پراسرار سرگرمیوں بارے قریبی دوست بھی لاعلم ہیں- اس سے قبل جب نہیا احمد فیشن انڈسٹری میں کام کررہی تھیں تو ان کا نام بہت سے مشہور لوگوں کے ساتھ جوڑا گیا لیکن انہوں نے کبھی بھی اس بارے میں وضاحت نہیں کی-یہ امر قابل ذکر ہے کہ نہیا احمد نے ماڈلنگ کا آغاز 1998 میں کیا تھا لیکن انہوں نے چند ہی سالوں میں حیرت انگیز ترقی کرکے پوری فیشن انڈٍسٹری کو حیران کردیا تھا کیونکہ ان کا شمار نہایت بولڈ ماڈلز میں ہوتا تھا-ذرائع کا مزید کہنا ہے کہ نیہا احمد فیشن انڈسٹری سے کنارہ کشی کرچکی ہیں اور انہوں نے ایک مشپہور بزنس مین سے خفیہ شادی بھی کر رکھی ہے لیکن انہوں نے اس کا باقاعدہ اعلان نہیں کیا-