Connect with us

پاکستان

کے الیکٹرک کی خوشخبری

شائع شدہ

کو

کے الیکٹرک کی خوشخبری

ترجمان کے الیکٹرک کا کہنا ہے کہ بجلی کی فراہمی میں تعطل کا سبب بننے والا 41 ٹن کا پرزہ ہالینڈ سے بذریعہ ہوائی جہاز کراچی پہنچ گیا ہے۔ ترجمان کے الیکٹرک کا مزید کہنا ہے کہ پرزہ بن قاسم پاور اسٹیشن پہنچا دیا گیا ہے جبکہ ماہرین نے اس پرزے کی تنصیب کا کام شروع کر دیا ہے۔ترجمان نے مزید بتایا کہ پرزے کی تنصیب کا کام 20مئی تک مکمل کر لیا جائے گا،پرزے کی تنصیب کے بعد بجلی کی فراہمی میں بہتری آ جائے گی۔ واضح رہے کہ رمضان المبارک کی آمد آمد ہے اور کراچی میں لوڈشیڈنگ کا دورانیہ 10 تا 12 گھنٹے ہوگیا ہے۔ گزشتہ روز کے الیکٹرک کی جانب سے پرزے کے ہالینڈ سے نہ پہنچنے اور اس کی تنصیب نہ ہونے کو لوڈ شیڈنگ کا جواز بنایا جارہا تھا اور کہا جارہا تھا کہ 20 مئی تک تنصیب کا کام مکمل ہوجائے گا ۔ آج کے الیکٹرک نے یہ خبر سنائی ہے کہ پرزہ ہالینڈ سے کراچی پہنچ گیا ہے البتہ اس کی تنصیب کی تاریخ 20 مئی ہی دی ہے۔

پاکستان

جدید ٹیکنالوجی مہیا کرنیکا فیصلہ

شائع شدہ

کو

سمری بھجوا دی

الیکشن کمیشن کا عام انتخابات میں ریٹرننگ افسران کو جدید ٹیکنالوجی مہیا کرنے کا فیصلہ ، ملکی تاریخ میں پہلی بار ریٹرننگ افسران کو 2، 2 ڈیٹا انٹری آپریٹرز دے دیئے گئے ، ریٹرننگ افسران کو پولنگ کی رات 2 بجے تک رزلٹ الیکشن کمیشن کو بھیجوانے کا پابند بنا دیا گیا۔عام انتخابات 2018 میں نئی اور جدید ٹیکنالوجی بھر پور استعمال کرنے کا فیصلہ کر لیا گیا ہے، ریٹرننگ افسران کو 2، 2 ڈیٹا انٹری آپریٹرز اور لیپ ٹاپ بھی دیے جائیں گے۔
الیکشن کمیشن کے مطابق ڈیٹا انٹری آپریٹرز کو تربیت دے دی گئی، ڈیٹا انٹری آپریٹرز پولنگ سٹیشن سے موصول رزلٹ کو تیار کریں گے، پریذائیڈنگ افسران پولنگ اسٹیشن سے ہی نتائج تصویر یا سنیپ شاٹ کے ذریعے ریٹرننگ افسران کو بھیجیں گے۔ نتائج میں تاخیر پر ریٹرننگ افسران کو تحریری وجوہات بھی دینا ہوں گی۔

پڑھنا جاری رکھیں

پاکستان

بالآخر اعلان کردیا

شائع شدہ

کو

بالآخر اعلان کردیا

پشتون لوگوں کے حقوق کیلئے آواز اٹھانے کے نام پر پاکستان کی مسلح افواج کو بدنام کرنے کی کوشش میں مصروف پشتون تحفظ موومنٹ کی اصلیت کھل کر سامنے آگئی اور کالعدم تحریک طالبان پاکستان نے منظور پشتین اور پشتون تحفظ موومنٹ کی حمایت کا اعلان کردیا۔ سوشل میڈیا پر زیرگردش ایک ویڈیو پیغام میں تحریک طالبان پاکستان جنوبی وزیرستان کے ڈپٹی عظمت محسود نے مکمل حمایت کی یقین دہانی کراتے ہوئے کہاکہ منظور محسود جس نے پاکستان کی مسلح افواج کیخلاف سخت زبان استعمال کی، مبینہ قبضے کیخلاف آوازاٹھارہاتھا۔
عظمت محسود نے منظور کے نام اپنے پیغام میں کہاکہ ” ہم ان لوگوں کیخلاف آپ کیساتھ ہیں، اب پیچھے مت ہٹنا، ہم ان لوگوں کے پیچھے کھڑے ہیں جو قیدیوں کی رہائی کیلئے آواز اٹھارہے ہیں‘، ہمارے قیدیوں کیلئے آواز اٹھانے پر پشتون تحفظ موومنٹ انعام کا حق رکھتی ہے “۔ یادرہے کہ کالعدم تحریک طالبان ،پاکستان کی مسلح افواج اور عام شہریوں پر مختلف اوقات میں ہونیوالے حملوں میں ملوث رہی ہے جن کے نتیجے میں ہزاروں شہری و فوجی جوان شہید ہوئے ہیں۔ کالعدم تحریک نے اے پی ایس سکول پشاور، واہگہ بارڈر پر دھماکے سمیت متعدد دہشتگردی کی وارداتوں کی ذمہ داری قبول کی ۔ اب پشتون تحفظ موومنٹ اور منظورپشتین کی حمایت کے اعلان نے پاکستانیوں کی آنکھیں کھول دی ہیں۔

پڑھنا جاری رکھیں

پاکستان

کان پک گئے

شائع شدہ

کو

کان پک گئے

وزیراعلیٰ خیبرپختون خوا پرویز خٹک کا کہنا ہے کہ ہمارے میگا پراجیکٹ تعلیم، صحت اور کرپشن کا خاتمہ ہے،پی ٹی آئی سے کام کا پوچھنے والے خود بتائیں انہوں نے کیا کیا۔ تفصیلات کے مطابق سوات ایکسپریس وے کے پہلے مرحلے کی افتتاحی تقریب سے خطاب کرتے ہوئے پرویز خٹک کا کہنا تھا کہ، جو خود کرپٹ ہوتا ہے وہی دوسروں پر الزام لگاتا ہے،چور کو سبھی چور نظر آتے ہیں۔ان کا مزید کہنا تھا کہ میگا پراجیکٹس کا سن سن کر کان پک گئے ہیں، پی ٹی آئی کو کام کا پوچھنے والے خود بتائیں انہوں نے کیا کیا، مجھے ان لوگوں کے سارے کارناموں کا پتہ ہے۔ ان کا مزید کہنا تھا کہ پی ٹی آئی پر الزام لگانے والوں اور مجھے کسی ٹی وی شو میں ایک ساتھ بلا کر بات کرالیں۔سب پتہ چل جائے گا کس نے کتنا کام کیا ہے۔ پرویز خٹک کا مزید کہنا تھا کہ ہمارے میگا پراجیکٹ تعلیم، صحت اور کرپشن کا خاتمہ ہے، یو این ڈی پی کا ڈرامہ چل رہا ہے، میں سب جانتا ہوں اور وہ رپورٹ 2005 سے 2015 کی ہے۔اس موقع پرڈی جی ایف ڈبلیو او لیفٹیننٹ جنرل محمد افضل نے سوات ایکسپریس وے کے حوالے سے بریفنگ بھی دی۔

پڑھنا جاری رکھیں

مقبول خبریں