Connect with us

پاکستان

دھرنا ختم ،آمدورفت بحال

شائع شدہ

کو

دھرنا ختم ،آمدورفت بحال

پاکستان اسٹیل کے ملازمین کے ریلوے ٹریک پر دھرنے کی وجہ سے ملک بھر سے کراچی کے لئے ٹرینوں کی آمدورفت کئی گھنٹے معطل رہی تاہم اب ریلوے ٹریک کو بحال کردیا گیاہے ۔ ریلوے ٹریک کی بحالی کے بعد حیدرآباد اور کوٹری ریلوےاسٹیشنوں روکی گئی 7 ٹرینوں کو کراچی روانہ کردیا گیا، پولیس حکام کے مطابق پاکستان اسٹیل کے ملازمین اپنے مطالبات کے حق میں احتجاج پر ہیں۔ آج صبح پاکستان اسٹیل کے سینکڑوں ملازمین اسٹیل ٹاؤن کے قریب کراچی سے ملک کے مختلف شہروں کو ملانے والے ریلوے کے دوطرفہ ٹریک پر دھرنا دے کربیٹھ گئے۔ ریلوے حکام کے مطابق کراچی سے جانے والی بیشتر ریل گاڑیاں دھرنے سے قبل روانہ ہوچکی تھیں تاہم ڈاؤن روٹ کی بیشتر ٹرینوں کی آمد شیڈول پر تھی، جس پر بہاؤالدین زکریا ایکسپریس، علامہ اقبال ایکسپریس، بزنس ٹرین، ملت ایکسپریس، مہران ایکسپریس، قراقرم ایکسپریس اور تیزگام کو حیدرآباد اور کوٹری ریلوے اسٹیشنوں پر روک دیا گیا تھا۔
ریلوے اور ڈسٹرکٹ پولیس اور رینجرز نے موقع پر پہنچ کر مظاہرین سے مذاکرات کئے، یوں کئی گھنٹے بعد ٹریک سے دھرنا ختم کرایا گیا اور ریلوے ٹریک کو مظاہرین سے خالی کرواکر حیدرآباد اور کوٹری ریلوے اسٹیشنوں پر روکی گئی ساتوں ٹرینوں کو کراچی کے لیے روانہ کر دیا گیا۔ ریلوے حکام کے مطابق اگرچہ ٹرینوں کی آمدورفت بحال ہوگئی ہے تاہم اس صورتحال سے ایک طرف سینکڑوں مسافروں کو تکلیف برداشت کرنا پڑی دوسری طرف کی ٹرینوں کی کراچی سے اندرون ملک روانگی متاثر ہو سکتی ہے تاہم ریلوے حکام کے مطابق ٹرینوں کو معمول کے وقت پر کراچی سے اندرون ملک روانہ کرنے کی بھرپور کوشش کی جائے گی۔

پاکستان

62 ون ایف کیوں لگایا گیا

شائع شدہ

کو

62 ون ایف کیوں لگایا گیا

خواجہ آصف کی نااہلی کےخلاف اپیل کی سماعت کے دوران عدالت کا اپنے ریمارکس میں کہنا ہے کہ الزام کاغذات نامزدگی میں غلط بیانی کا ہے،یہ بتائیں کن حالات میں 62 ون ایف لگایا گیا؟ تفصیلات کے مطابق جسٹس عمرعطا بندیال کی سربراہی میں 3 رکنی بنچ نے خواجہ آصف کی نااہلی کےخلاف اپیل پرسماعت کی۔خواجہ آصف کے وکیل منیرملک نے عدالت کے روبرو موقف اپنایا کہ رٹ پٹیشن میں دبئی بینک اکاؤنٹ چھپانے کاالزام نہیں تھا،یہ بعد میں جواب الجواب کے وقت دیا گیا۔ان کا مزید کہنا تھا کہ غیرملکی آمدن پرالیکشن ٹربیونل کا فیصلہ حتمی ہوچکا،طے شدہ معاملے پردوبارہ درخواست نہیں دی جاسکتی،میں تحریری دلائل جمع کراچکا ہوں۔ جس پر جسٹس عمرعطا بندیال نے استفسار کیا کہ خواجہ صاحب پرالزام کاغذات نامزدگی میں غلط بیانی کا ہے۔جسٹس فیصل عرب بولے یہ بتائیں کن حالات میں 62 ون ایف لگایا گیا؟۔

پڑھنا جاری رکھیں

پاکستان

جدید ٹیکنالوجی مہیا کرنیکا فیصلہ

شائع شدہ

کو

سمری بھجوا دی

الیکشن کمیشن کا عام انتخابات میں ریٹرننگ افسران کو جدید ٹیکنالوجی مہیا کرنے کا فیصلہ ، ملکی تاریخ میں پہلی بار ریٹرننگ افسران کو 2، 2 ڈیٹا انٹری آپریٹرز دے دیئے گئے ، ریٹرننگ افسران کو پولنگ کی رات 2 بجے تک رزلٹ الیکشن کمیشن کو بھیجوانے کا پابند بنا دیا گیا۔عام انتخابات 2018 میں نئی اور جدید ٹیکنالوجی بھر پور استعمال کرنے کا فیصلہ کر لیا گیا ہے، ریٹرننگ افسران کو 2، 2 ڈیٹا انٹری آپریٹرز اور لیپ ٹاپ بھی دیے جائیں گے۔
الیکشن کمیشن کے مطابق ڈیٹا انٹری آپریٹرز کو تربیت دے دی گئی، ڈیٹا انٹری آپریٹرز پولنگ سٹیشن سے موصول رزلٹ کو تیار کریں گے، پریذائیڈنگ افسران پولنگ اسٹیشن سے ہی نتائج تصویر یا سنیپ شاٹ کے ذریعے ریٹرننگ افسران کو بھیجیں گے۔ نتائج میں تاخیر پر ریٹرننگ افسران کو تحریری وجوہات بھی دینا ہوں گی۔

پڑھنا جاری رکھیں

پاکستان

بالآخر اعلان کردیا

شائع شدہ

کو

بالآخر اعلان کردیا

پشتون لوگوں کے حقوق کیلئے آواز اٹھانے کے نام پر پاکستان کی مسلح افواج کو بدنام کرنے کی کوشش میں مصروف پشتون تحفظ موومنٹ کی اصلیت کھل کر سامنے آگئی اور کالعدم تحریک طالبان پاکستان نے منظور پشتین اور پشتون تحفظ موومنٹ کی حمایت کا اعلان کردیا۔ سوشل میڈیا پر زیرگردش ایک ویڈیو پیغام میں تحریک طالبان پاکستان جنوبی وزیرستان کے ڈپٹی عظمت محسود نے مکمل حمایت کی یقین دہانی کراتے ہوئے کہاکہ منظور محسود جس نے پاکستان کی مسلح افواج کیخلاف سخت زبان استعمال کی، مبینہ قبضے کیخلاف آوازاٹھارہاتھا۔
عظمت محسود نے منظور کے نام اپنے پیغام میں کہاکہ ” ہم ان لوگوں کیخلاف آپ کیساتھ ہیں، اب پیچھے مت ہٹنا، ہم ان لوگوں کے پیچھے کھڑے ہیں جو قیدیوں کی رہائی کیلئے آواز اٹھارہے ہیں‘، ہمارے قیدیوں کیلئے آواز اٹھانے پر پشتون تحفظ موومنٹ انعام کا حق رکھتی ہے “۔ یادرہے کہ کالعدم تحریک طالبان ،پاکستان کی مسلح افواج اور عام شہریوں پر مختلف اوقات میں ہونیوالے حملوں میں ملوث رہی ہے جن کے نتیجے میں ہزاروں شہری و فوجی جوان شہید ہوئے ہیں۔ کالعدم تحریک نے اے پی ایس سکول پشاور، واہگہ بارڈر پر دھماکے سمیت متعدد دہشتگردی کی وارداتوں کی ذمہ داری قبول کی ۔ اب پشتون تحفظ موومنٹ اور منظورپشتین کی حمایت کے اعلان نے پاکستانیوں کی آنکھیں کھول دی ہیں۔

پڑھنا جاری رکھیں

مقبول خبریں