Connect with us

انٹرنیشنل

16 فلسطینی ہلاک

شائع شدہ

کو

16 فلسطینی ہلاک

فلسطینی وزارت صحت نے بتایا ہے کہ جمعے کے روز اسرائیلی سلامتی افواج نے اسرائیل غزہ سرحد کے ساتھ مظاہرین پر گولی چلائی جس سے کم از کم 16 فلسطینی ہلاک جب کہ سینکڑوں زخمی ہوئے۔ اسرائیلی فوج نے کہا ہے کہ اُس کے فوجیوں نے ’’بلوے کو منتشر کرنے کی کوشش کی‘‘۔ مظاہرے کے لیے بتایا جاتا ہے حالیہ برسوں کے دوران سرحد کے ساتھ فلسطینیوں کی جانب سے نکالا جانے والا یہ سب سے بڑا مظاہرہ تھا۔ ہزاروں فلسطینی سرحد کے قریب پہنچے جس سے تشدد بھڑک اٹھا۔ اسرائیلی فوج نے کہا ہے کہ اُس کی فوجوں نے ’’اشتعال پھیلانے والوں‘‘ کو نشانہ بنایا، جو سنگ باری کر رہے تھے اور ٹائر جلا کر لڑھکا رہے تھے۔ وزارت نے بتایا کہ اسرائیلی افواج نے گولیاں چلائیں، ساتھ ہی ربڑ میں بھرے اسٹیل کے چَھرے چلائے اور آنسو گیس استعمال کی، کم از کم چھ فلسطینی ہلاک جب کہ کم از کم 550 زخمی ہوئے۔ پچھلے سال کے موسم خزاں کے بعد سے اب تک غزہ کا یہ خونریز ترین دن تھا، جو فلسطین کا خود مختار علاقہ ہے۔فلسطینیوں نے غزہ کی پٹی میں پانچ مقامات پر ٹینٹ کیمپ گاڑھ رکھے ہیں، جو چھ ہفتوں تک موجود رہیں گے۔ بتایا جاتا ہے کہ تمام اہل خانہ، مرد، خواتین اور بچے اس احتجاجی مظاہرے میں شریک ہوں گے۔ ادھر، رائٹرز نے طبی امداد سے وابستہ غزہ کے اہل کاروں کے حوالے سےبتایا ہے کہ اسرائیلی افواج نے فلسطینیوں کے احتجاجی مظاہرے کو روکنے کے دوران گولی چلائی۔
مظاہرین لاکھوں فلسطینی مہاجرین کی واپسی کے حق کا مطالبہ کر رہے تھے، جو علاقہ اِس وقت اسرائیل ہے۔ چھ روزہ احتجاج کے دوران، وہ پانچ مقامات پر اکٹھے ہوں گے، جہاں خیمے گاڑے گئے ہیں، جو 65 کلومیٹر (40 میل) کی باڑ کے ساتھ کا علاقہ ہے۔ مقامی اہل کاروں کے مطابق، اسرائیلی فوج نے مظاہرین کی تعداد کا اندازہ 30000 لگایا ہے۔’رائٹرز‘ خبر رساں ادارے کی ایک رپورٹ کے مطابق، لوگوں نے اپنے بچوں کو باڑ سے چند ہی سو میٹر (گز) دور لا کھڑا کیا تھا، جو حماس کے اسلامی محاذ اور اسرائیلی سلامتی کی باڑ کا نزدیکی علاقہ ہے، جہاں دھول پر نشان لگا کر فٹ بال گراؤنڈ بنائے گئے تھے، جہاں اسکاؤٹ دستے فٹ بال کھیل رہے تھے۔
لیکن، جوں جوں دن ڈھلا، سینکڑوں فلسطینی نوجوانوں نے منتظمین اور اسرائیلی فوج کی جانب سے سرحد سے دور رہنے کے انتباہ کی پرواہ نہیں کی، جب کہ دوسری جانب اسرائیلی فوجی چوکیوں سے مظاہرین پر کڑی نظر رکھے ہوئے تھی۔
فوج نے بتایا ہے کہ فوجیوں نے انتباہی گولے چلائے اور بلوے کے شرکا کو دور رکھنے کی کوشش کی۔ کچھ مظاہرین سرحدی باڑ اور فوجیوں پر ’’پتھر پھینک رہے تھے اور جلے ہوئے ٹائر لڑھکا رہے تھے‘‘۔

انٹرنیشنل

امریکی میزائلوں پر قبضہ

شائع شدہ

کو

امریکی میزائلوں پر قبضہ

روسی میڈیا کے مطابق امریکہ، برطانیہ اور فرانس کی جانب سے شام پر کئے جانے والے میزائل حملے میں امریکہ کے دو کروز میزائل پکڑلئے گئے ہیں۔ امریکہ اور اس کے اتحادیوں کی جانب سے شام میں تین اہداف پر 103 کروز میزائل فائر کئے گئے تھے۔ حملے سے پہلے امریکی صدر نے شیخی بگھارتے ہوئے کہا تھا کہ اب کی بار شام پر نئے، نفیس اور سمارٹ میزائل داغے جائیں گے۔
روسی میڈیا کا کہنا ہے کہ ان میزائلوں میں سے دو پھٹے بغیر زمین پر آن گرے جنہیں بغیر وقت ضائع کئے قابو کرلیا گیا۔ کہا جارہا ہے کہ روس یہ میزائل خصوصی طیارے میں ڈال کر اپنے ملک لے گیا ہے۔ میڈیا رپورٹس میں یہ بھی بتایا گیا ہے کہ دونوں میزائل کافی اچھی حالت میں ہیں۔ اب نجانے روس ان کے ساتھ کیا کرے گا؟ انہیں اپنے کسی دشمن پر داغے گا یا امریکہ کی سبکی کے لئے انہیں کسی عجائب گھر کی زینت بنائے گا؟

پڑھنا جاری رکھیں

انٹرنیشنل

مزید 2فلسطینی شہید

شائع شدہ

کو

مزید 2فلسطینی شہید

غزہ میں مسلسل چوتھے جمعے بھی ہزاروں فلسطینی اپنے حقوق کے خلاف مظاہرہ کررہے ہیں جب کہ نہتے مظاہرین پر اسرائیلی فائرنگ سے مزید 2 فلسطینی شہید اور درجنوں زخمی ہوگئے ہیں۔اسرائیلی فوج نے بھی جوابی پیغام میں پمفلٹس سرحد کے قریب پھینکیں ہیں جس میں مظاہرین کو متنبہ کیا گیا ہے کہ  وہ سرحد سے دور رہیں جب کہ اسرائیلی فوج نے نہتے مظاہرین پر براہ راست گولیاں برسائی ہیں جس کے نتیجے میں اب تک 2 فلسطینی شہید اور درجنوں زخمی ہوئے ہیں۔

پڑھنا جاری رکھیں

انٹرنیشنل

ہاتھ نہ ملانے پر شہریت سے محروم

شائع شدہ

کو

ہاتھ نہ ملانے پر شہریت سے محروم

فرانس میں الجزائر سے تعلق رکھنے والی مسلم خاتون کو سرکاری افسر سے  ہاتھ ملانے سے انکار پر  شہریت دینے سے انکار کر دیا گیا۔

غیرملکی خبررساں ادارے کے مطابق الجزائر سے تعلق رکھنے والی مسلم خاتون نے فرانسیسی شہری سے 2010 میں شادی کی تھی جب کہ اپریل 2017 میں شہریت کے لئے درخواست دی۔ فرانس کے جنوب مشرقی علاقے ایسرے میں منعقدہ ایک تقریب میں مسلم خاتون کو ملک کی شہریت دی جا رہی تھی۔ اس موقع پر تقریب کے صدر اور ایک مقامی سیاسی رہنما نے  ہاتھ ملانا چاہا تو خاتون نے یہ کہہ کر انکار کر دیا کہ میرے مذہبی عقائد اس بات کی اجازت نہیں دیتے۔

پڑھنا جاری رکھیں

مقبول خبریں