پاکستان

نجی ایئر لائن سیال کی بین الاقوامی پروازوں کا آغاز، افتتاحی پرواز کہاں گئی؟

افتتاحی پرواز لاہور ایئرپورٹ سے 160 مسافروں کو لے کرجدہ روانہ ہوگئی' حکام نے مسافروں کو رخصت کیا

کراچی(آن لائن)پاکستان کی تیسری نجی ایئر لائن ایئر سیال نے بین الاقوامی پروازوں کا آغاز کر دیا، افتتاحی پرواز لاہور ایئرپورٹ سے 160 مسافروں کو لے کرجدہ روانہ ہوگئی۔چیئرمین ایئر سیال فضل جیلانی، بورڈ آف ڈائریکٹرز افسران اور سی اے اے حکام نے مسافروں کو رخصت کیا، تقریب میں قومی ٹیم کے فاسٹ باؤلر حارث رؤف اور سابق ٹیسٹ کرکٹر عاقب جاوید نے بھی شرکت کی۔

اس موقع پر چیئرمین ایئر سیال نے کہا کہ کامیاب ڈومیسٹک آپریشن کے بعد بین الاقوامی پروازوں کا آغاز ایئر سیال کی بڑی کامیابی ہے، پہلے مرحلے میں لاہور، اسلام آباد سے جدہ کیلئے ہفتہ وار 8 پروازیں چلائی جائیں گی، اگلے مرحلے میں کراچی، ملتان اور سیالکوٹ سے جدہ کیلئے پروازیں آپریٹ ہوں گی، خلیجی ممالک کیلئے بھی پروازیں چلانے کا ارادہ ہے۔فضل جیلانی کا کہنا تھا کہ اس وقت ایئر سیال کی پروازیں ایئربس 320 کے ذریعے چلائی جا رہی ہیں، جلد فضائی بیڑے میں بڑے طیاروں کو شامل کیا جائے گا، یورپی ممالک میں پابندی ہٹنے کے بعد ایئر سیال لندن اور مانچسٹر کیلئے بھی آپریشن شروع کرے گی۔

سپریم کورٹ پریکٹس اینڈ پروسیجر بل 2023 کی منظوری’ بل میں ترمیم بھی کر ڈالی

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button