اپنی دھرتی لہور

 بابے نانک دی پوتر دھرتی کرتارپور نے ہی امن اتے دوستی دے لانگھے لئی واج ماری ہے .نوجوت سدھو دے روپ ‘چ اک امن- دوت نے پہاڑ جڈی پلانگھ پٹن دا جیرا دکھایا ہے دوہاں ملکاں دیاں کجھ وڈیاں ہستیاں اتے دھراں نے وی امن ولّ ودھن دی حامی بھری ہے . ساڈے مناں ‘چ اک وار پھیر اوہی ارمان اٹھے نے . شالہ ، دوہاں پاسیاں توں بھکھدے انگاراں دی تھاں ٹھنڈھیاں ہواواں دے بلے وگن . پلاں ہیٹھوں پانی بہت وگّ چکے .رشتیاں اتے مثلیاں دی تانی ہور الجھی پئی ہے. دوہاں ملکاں دے اندرلے تے باہرلے سیاسی ، غیر-سیاسی، وپاری تے غیر- وپاری اجہیاں انیک دھراں دے مفاد، اس تانی نوں الجھائی رکھن ‘چ ہی نے . ہنسا اتے ہتھیار پوری حاوی نے . بے شکّ،صرف بھاوکتا کافی نہیں .کجھ حقیقی بدلاء ہونگے تاں موڑا پئیگا . پھیر وی آس نال ہی جہان ہے دیر ہووے جاں آویر- تبدیلی قدرت دا اٹلّ نیم ہے .
اسے امید نال 14 سالاں بعد اج اپنے وڈیریاں دیاں جڑھاں والی دھرتی بھاوَ لیہندے پنجاب ‘چ پیر دھرے نے .پہلا پڑاءلاہور ہے .
فوری سببّ میری بیوی ترپتا نے بنایا ہے . اسدا دادکا پنڈ پوتر دھرتی ننکانہ صاحب ہے . 1947 دی ونڈ ویلے ، جد اسدے دادا کرشن چند شاہ جی ، ہجرت کرن لگے سن تاں اپنی 19 کمریاں دی حویلی دیاں چابیاں گرودوارہ ننکانہ صاحب دے پربندھکاں نوں پھڑا کے آئے سن . اوہ حویلی تاں پتہ نہیں کس کول ہے ، جا کے کھرا کھوج تے کوئی نشانی لبھن دا یتن کراںگے .
میری بیوی دی بے حدّ تمنا سی اپنے پرکھیاں دی اس پاون دھرتی دی چھوہ لین لئی . سببّ نال میرے لمے سمیں دے دوست اتے ہمیشاں پیار دیاں تنداں بنن دے یتن کرن والے درویش انسان رائے عزیز الاہ خان دا لاہور آون دا سدا آ گیا . رائے صاحب اوہ ہستی نے جنہاں کول دسویں گورو سری گوبند سنگھ دی بھیٹ کیتی سوغات ” گنگا ساگر ” محفوض ہے .اوہ بہت کمال دے میزبان وی نے .
میرا دادکا پنڈ کنگن پور ہے . پہلاں ایہہ لاہور ضلعے دا حصہ سی پر ہن ایہہ قصور ضلعے ‘چ ہے . کوشش کراںگے اپنے وڈیریاں دیاں یاداں پھرولن دی ، نویں -پرانے دوستاں نال میل-ملاپ دی . اپنے وت مطابق موہ-پیار دے رشتیاں ‘چ نویں روح بھرن دی .کرتارپور صاحب دی پاون دھرت تے نتمستک ہون دا ارادہ ہے . جو کجھ نواں تے وکھرا دسیا اوہ ضرور سانجھی کراںگے۔ اجے تاں لاہور دے اسے جممخانا کلبّ دے کمرے چ ہی ہاں جس وچ 1993 ‘چ ادوں ٹھہریا سی جدوں پہلی وار اجیت لئی پاکستان دیا پارلیمینٹ چوناں کور کرن آیا سی .بلجیت بلی

شاید آپ یہ خبریں بھی پسند کریں

This website uses cookies to improve your experience. We'll assume you're ok with this, but you can opt-out if you wish. Accept