پاکستان نیشنل کونسل آدی آرٹس کے زیر اہتمام منعقد کردہ سات روزہ موسیقی میلہ کے دوسرے روز پاکستان کے معروف کلاسیکل گلوکاروں نے خیال ، ٹھمری اور دادر ا انتہائی فنی مہارت سے گا کر موسیقی کے شائقین کو محظوظ کیا ۔ معروف کلاسیکل گلوکاروں نے راگ مہارت سے گا کر شائقین کو محظوظ کیا ۔

جن گلو کاروں نے اس موقع پر اپنے فن کا مظاہرہ کیا ان میں اُستادقادر شگن اور مسلم شگن جن کا تعلق گوالیار گھرانہ سے ہے انہوں نے خیال گائیکی میں اپنا کلام پیش کیا اور سننے والوں کو محظوظ کیا ۔ اُستاد شاہد حامد نے خیال میں،مینا سید نے ٹھمری، ولی فتح علی نے خیال میں ،اُستاد فتآؒ ٰ علی خان حیدر آبادی نے خیال اور ٹھمری سے لوگوں کے دلوں کو لبھایا۔

استاد نفیس احمدخان ستار نواز اوراستاد اجمل طبلہ نواز نے جگل بندی سے لوگوں کو محظوظ ہونے کا موقع فراہم کیا۔

ڈائر یکٹر جنرل سید جمال شاہ نے کہا کہ کلاسیکل موسیقی کی بقاء در اصل ہر طرح کی موسیقی کی حیات ہے ، حکومتی اداروں کو کلاسیکی گلوکاروں کی ہر ممکن حوصلہ افضائی اور اس فن کی ترویج کے لیے کوشش کرنی چائیے ۔

ہمارے گلوکاروں کو چائیے کہ وہ نوجوان گلوکاروں کو اس طرف راغب کریں اور انہیں کلاسیکی موسیقی کی تربیت دیں تا کہ آنے والی نسلیں بھی اس فن کو زندہ رکھ سکیں ۔

ملکہ غزل اقبال بانو کو مداحوں سے بچھڑے 10برس بیت گئے لیکن ان کی کھنک دار اور سریلی آواز کا جادو آج بھی سر چڑھ کر بولتا ہے۔

انیس سو پینتیس میں دہلی میں پیدا ہونے والی اقبال بانو نے دہلی گھرانے کے استاد چاند خان سے موسیقی کی تربیت حاصل کی۔ انیس سو ستاون میں لاہور آرٹس کونسل کے ایک پروگرام سے اپنے کیرئیر کا آغاز کیا اور پھر ریڈیو پاکستان لاہور کے ذریعے ان کی آواز کا سحر دور دور تک پھیل گیا۔اقبال بانو کی فلمی، غیر فلمی غزلیں اور گیت ہر عمر اور ہر دور کے لوگوں میں مقبول رہے ہیں۔

اقبال بانو کی آواز میں ایک جادو تھا وہ بے زبان الفاظ کو زندگی عطا کرتی تھیں اچھی گائیکہ ہونے کے ساتھ ساتھ اقبال بانو ایک نڈر خاتون تھیں۔

انہوں نے فیض کی انقلابی نظم اس وقت گائی جب ان کے کلام کو پڑھنا جرم سمجھا جاتا تھا اقبال بانو بدلتے وقت کے ساتھ ساتھ غزل میں جدت کی بھی حامی تھیں۔موسیقی کے ماہرین کا کہنا ہے کہ اقبال بانو ایک انمول تحفہ تھیں جو قدرت صدیوں میں کسی قوم کو عطا کرتی ہے۔

21 اپریل 2009 کو اقبال بانو خاموشی سے دنیا چھوڑ گئیں لیکن ان کی گائی ہوئی غزلیں ، گیت اور مزاحمتی کلام، ان کو سننے والوں کے ذہنوں اور دلوں میں زندہ رکھے گا۔

بولی وڈ کی ’چھما چھما‘ گرل اور حال ہی میں انڈین نیشنل کانگریس (آئی این سی) میں شمولیت اختیار کرنے والی ارمیلا ماٹونڈکر نے پہلی بار انتخابی مہم میں بھارتی وزیر اعظم نریندر مودی کو تنقید کا نشانہ بنایا ہے۔

45 سالہ اداکارہ و سیاستدان ارمیلا ماٹونڈکر نے مہاراشٹر کے دارالحکومت ممبئی میں اپنے حلقے میں انتخابی مہم کے دوران خطاب میں نریندر مودی کو تنقید کا نشانہ بناتے ہوئے کہا کہ ان پر سوانح حیات نہیں بلکہ کامیڈی فلم بنائی جانی چاہیے تھی۔

ارمیلا ماٹونڈکر کا کہنا تھا کہ نریندر مودی سے ایسا کوئی کارنامہ سر انجام نہیں دیا جو ان کی زندگی پر فلم بنائی گئی۔ اداکارہ و سیاستدان کا کہنا تھا کہ نریندر مودی دعویٰ کرتے ہیں کہ ان کی چھاتی 56 انچ چوڑی ہے تاہم ان کی کارکردگی انتہائی بدتر ہے۔

ارمیلا ماٹونڈکر کے مطابق نریندر مودی نے بطور حکومتی سربراہ کوئی اچھا کارنامہ نہیں دیا، ملک میں غربت اور فرقہ پرستی میں اضافہ ہوا۔ کانگریس رہنما اور لوک سبھا کی امیدوار کا کہنا تھا کہ نریندر مودی کی زندگی پر فلم بنانا جمہوریت کے ساتھ مذاق ہے۔

ارمیلا ماٹونڈکر کے مطابق بھارتی وزیر اعظم کی زندگی پر فلم بنانے کا کوئی جواز نہیں بنتا، البتہ اگر ان پر کوئی کامیڈی فلم بنائی جاتی تو بہتر ہوتا۔ یہ پہلا موقع ہے کہ ارمیلا ماٹونڈکر نے اپنی انتخابی مہم میں وزیر اعظم پر تنقید کی۔