’100 بچوں کا قاتل‘ واپس آگیا EXCLUSIVE

ایک سو سے زائد بچوں کے قاتل جاوید اقبال کی زندگی پر پہلی بار ڈرامہ بنایا جارہا ہے اور یہ قدم اداکار شمعون عباسی نے اٹھایا ہے۔

پاکستان میں قارئین کو یاد ہوگا کہ 22 سال قبل سیریل کلر جاوید اقبال نے سو بچوں کو قتل کرکے درندگی اور دل دہلا والی تاریخ رقم کی تھی۔اگرچہ یہ قاتل اپنے انجام کو بھی پہنچ گیا لیکن اس بارے میں کسی نے کبھی فلم یا ڈرامہ بنانے کی کوشش نہیں تاہم اب پہلی بار شمعون عباسی اس پر کام کررہے ہیں جنہوں نے’دی لیجنڈ آف جاوید اقبال‘ کے عنوان سے ویب سیریز بنانے کااعلان کیا ہے جس کے ذریعے وہ دنیا کے سامنے جاوید اقبال جیسے درندے بارے بہت سے تلخ حقائق سامنے لانے کا عزم رکھتے ہیں۔

اس بارے میں شمعون عباسی نے بتایا کہ میں سیریز میں نہ صرف جاوید اقبال کا کردار کررہا ہوں بلکہ اس کی ڈائریکشن بھی دے رہا ہوں جس میں اور بھی بہت سے نامور فنکار کام کررہے ہیں۔

یاد رہے کہ جاوید اقبال نے ایک سو زائد بچوں کو زیادتی کے بعد قتل کیا تھا ۔