زارہ پیرزادہ نے شادی کا سوال کرنے والوں کو تنقید کا نشانہ بنا دیا

پاکستانی ماڈل زارہ پیرزادہ نے کہا ہے کہ عورتوں سے شادی کرنے کا سوال بند کردینا چاہیے ۔ معروف پاکستانی ماڈل زارا پیرزادہ  نے ’’انسٹا گرام ‘‘پر پوسٹ میں اپنی ایک تصویر شیئر کی، جس کے ساتھ انہوں نے شادی کرنے کا سوال کرنے والوں کو تنقید کا نشانہ بناتے ہوئے کہا کہ لوگوں کو خواتین کے معاملات میں دخل نہیں دینا چاہیے۔زارا نے سوال کیا کہ کیا شادی ہی میرا واحد مقصد ہے، یا میں بس اس ہی ایک کام میں دلچسپی رکھتی ہوں؟۔انہوں نے لکھا کہ ’اس ہفتے 5 دنوں کے اندر مجھ سے 17 مرتبہ یہ سوال پوچھا جاچکا ہے کہ میں شادی کب کروں گی؟۔زارا کے مطابق اس سوال کا کوئی صحیح جواب بھی نہیں دیا جاسکتا، کیوں کہ ہر کب، کیوں اور میں تیار نہیں ہوں، کے بعد چند اور عجیب سوالات سامنے آتے ہیں۔زارا پیرزادہ نے مزید لکھا کہ ’خواتین کو یہ احساس دلانا بند کریں کہ اگر ان کی شادی نہیں ہوئی تو وہ کامیاب نہیں، انہیں یہ احساس مت دلائیں کہ وہ پیچھے رہ جائیں گی، انہیں یہ احساس نہ دلائیں کہ شادی کرکے ہی وہ خوش رہ سکتی ہیں، ایسا سوچنا بند کریں کہ جو لڑکی شادی شدہ نہیں اس کے ساتھ کوئی مسئلہ ہے، خود سے مت فیصلہ کریں کہ وہ ناخوش ہے، خواتین سے وہ سوالات پوچھنا بند کردیں جن کا آپ سے کوئی تعلق نہیں‘۔

https://www.instagram.com/p/BwWmjZIgw3N/