وعدہ پورا کریں

Avatar Ashfaq Hussain , جولائی 27, 2018

پاکستان تحریک انصاف کے چیئرمین عمران خان کی الیکشن میں جیت کے بعد پورا ملک ان کی کامیابی پر خوشیاں منا رہا ہے۔اس دوران 2012 میں سامنے آنے والی ایک ویڈیو دوبارہ وائرل ہوگئی، جس میں عمران خان ہندوستان میں ایک چینل کی تقریب میں موجود ہیں۔اس ویڈیو میں عمران خان ایک ٹی وی پروگرام "ایجنڈا آج تک” میں میزبان راہول کنول کے ساتھ بات کرتے ہوئے نظر آئے۔
پروگرام میں عمران خان نے پاک بھارت تعلقات اور سیاست کے حوالے سے کئی سوالات کے جوابات دیئے۔
اس پروگرام میں بہت سی مشہور شخصیات موجود تھیں، جن میں اداکارعامر خان اور پاکستانی گلوکار و اداکار علی ظفر بھی موجود تھے-ویڈیو میں عامر خان نے عمران خان سے الیکشن جیتنے کے بعد پاکستان آنے کا وعدہ کیا تھا، جسے یقیناً اب پورا کرنے کا وقت آچکا ہے۔ایونٹ میں عامر خان نے عمران خان کو سراہاتے ہوئے کہا کہ انہوں نے تمام سوالات کے جوابات بہت مثبت انداز میں دیے، اور وہ امید کرتے ہیں کہ جو امیدیں عمران خان کو پاکستان کے لیے ہیں وہ سب پوری ہوسکیں۔
عامر خان نے یہ بھی کہا کہ بہت سے لوگ عمران خان کو اپنا آئیڈیل سمجھتے ہیں۔
عمران خان نے عامر خان کو 2013 کے انتخابات سے قبل پاکستان آنے کی دعوت دیتے ہوئے کہا کہ ’آپ پاکستان آنا نہیں بھولیے گا‘۔اس پر عامر خان کا کہنا تھا کہ ’جب آپ الیکشن جیتیں گے تو آپ کی جیت کا جشن منانے پاکستان ضرور آؤں گا، اور میں اکیلے نہیں بلکہ بہت سارے ہندوستانیوں کو اپنے ساتھ لے کر آؤں گا‘۔یہ ویڈیو 2013 کے الیکشنز سے قبل کی تھی، جب عمران خان اپنی سیاسی مہم جوش و خروش سے جاری رکھے ہوئے تھے-سوشل میڈیا پر صارفین کا کہنا ہےعامر خان اپنا وعدہ پورا کرتے ہوئے پاکستان ضرور آئیں اور عمران خان کے ساتھ ساتھ یہاں موجود اپنے لاکھوں مداحوں سے ملاقات کریں۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.