Connect with us

شوبز

ناکامیوں سے بہت کچھ سیکھا

Published

on

ناکامیوں سے بہت کچھ سیکھا

اپنی فلم کے ذریعے پاکستانی قوم کی صلاحیتوں کو دنیا کے سامنے پیش کرنا میرا مشن ہے،موجودہ حالات میں ایسے بے شمار موضوعات ہیں جن پر کا م کیا جا سکتا ہے،ہمیں فلم انڈسٹر ی میں نئے آنے والے لوگوں سے زیادہ اچھے کام کی توقع رکھنی چاہیے۔ان خیالات کا اظہار نامور فلم ڈائریکٹر و پرڈیووسر شہزاد رفیق نے لاہور آرٹس کونسل کے زیر اہتمام گوشئہ گیان کی پندرھویں نشست میں کیا۔انھوں نے کہاکہ میرے کا م کو عموما پوری دنیا اور خصوصا چین میں بے حد پذیرائی ملی جس پر فخر ہے،میں نے جس بھی موضوع پر بھی فلم بنائی اس کے تمام پہلووں کا احاطہ کرنے کی کوشش کی ہے۔ انھوں نے مزید کہاکہ مجھے اپنی فلم “رخصتی” بے حد پسند ہے کیونکہ وہ ناکام ہوئی جس سے مجھے سیکھنے کو بہت کچھ ملا،ایگزیکٹو ڈائریکٹر لاہور آرٹس کونسل کیپٹن عطا محمد خان نے اس موقع پر کہا کہ گوشئہ گیان کی نشست ہر شعبہ میں مکالمے کا موقع فراہم کر رہی ہے ،یہ نئے نئے خیالات کی کہکشاں ہے،نوجوان اپنے مستقبل کی کامیابی کی راہیں پانے کی امید لے کر گوشئہ گیان میں آتے ہیں،انھو ں نے نامور فلم پروڈیوسر شہزاد رفیق کے کام کو بے حد سراہتے ہوئے پاکستان فلم انڈسٹری میں نوجوانوں کو اپنا حصہ ڈالنے کی تلقین کی۔گوشئہ گیان کی نشست میں نامور ڈائریکٹر حسن عسکری ، ڈپٹی ڈائریکٹر ایڈمن آفتاب احمد انصاری ، نیاز حسین لکھویرا اور لوگوں کی بڑی تعداد نے شرکت کی۔

شوبز

فلم کا پہلا ٹیزر

Published

on

فلم کا پہلا ٹیزر

سلمان خان کی فلم ’بھارت‘ کی ابھی کاسٹ کو فائنل ہوئے کچھ ہی وقت گزرا تھا کہ اب فلم کا پہلا ٹیزر بھی سامنے آگیا۔اس ٹیزر میں سلمان خان کو دکھایا تو نہیں، تاہم وہ فلم کا ایک اہم ڈائیلاگ ’بابو جی کہتے تھے، کچھ رشتے زمین سے ہوتے ہیں اور کچھ رشتے خون سے، میرے پاس دونوں ہی تھے‘ بولتے نظر آئے۔فلم ’بھارت‘ میں سلمان خان مرکزی کردار ادا کررہے ہیں، جبکہ ان کے ہمراہ کترینہ کیف، تبو اور دیشا پٹانی اہم کردار ادا کریں گی۔کترینہ کیف کا اس فلم میں دیشا پٹانی سے زیادہ اہم کردار ہوگا۔

فلم کا پہلا ٹیزر

Continue Reading

شوبز

جھانسی کی رانی

Published

on

جھانسی کی رانی

اداکارہ کنگنا رناوت بہت جلد اپنی فلم ’منی کارنیکا‘ میں جھانسی کی رانی لکشمی بائی کا کردارمیں نظرآئیں گی، جس کا پہلا آفیشل پوسٹر ریلیز کردیا گیا۔اس پوسٹر میں کنگنا رناوٹ کا انداز ان کی باقی فلموں سے کافی الگ دکھائی دے رہے ہے۔
پوسٹر میں دکھایا گیا کہ وہ جنگ کے میدان میں اپنے گھوڑے پر موجود لڑ رہی ہیں، جب کہ اس موقع پر ان کے ساتھ ان کی بیٹی بھی موجود ہے۔یہ پوسٹر فلم کے ہدایت کار کرش نے شیئر کیا۔
جھانسی کی رانی
’منی کارنیکا: دی کوئین آف جھانسی‘ فلم کی کہانی ’جھانسی کی رانی‘ یعنی لکشمی بائی کے گرد گھومتی ہے۔’جھانسی کی رانی‘ نے 1857 میں انگریزوں کے خلاف لڑی جانے والی جنگ آزادی میں بہادری سے انگریزوں کا مقابلہ کیا۔ان سے متعلق کہا جاتا ہے کہ وہ جنگ کے دوران زخمی ہونے کے بعد میدان سے نکل گئیں، اور ایک صحرا میں ایک فقیر کے پاس گئیں، جن سے انہوں نے کہا کہ وہ انہیں اس طرح جلادیں کہ ان کے وجود کی خاک بھی انگریزوں کو نہ ملے۔کہا جاتا ہے کہ ’جھانسی کی رانی‘ اس عمل سے انگریزوں کو پیغام دینا چاہتی تھیں کہ وہ اسے نہ تو زندہ پکڑ سکتے ہیں اور نہ ہی مری ہوئی حالت میں اسے دیکھ سکتے ہیں۔
اس فلم میں کنگنا کے ہمراہ اتل کلکرنی، سونو سود اور انکیتا لوکھنڈرے کام کرتی نظر آئیں گی۔فلم ’منی کارنیکا: دی کوئین آف جھانسی‘ اگلے سال 25 جنوری کو سینما گھروں میں ریلیز ہوگی-
جھانسی کی رانی

Continue Reading

شوبز

فاصلے کم ہوگئے

Published

on

فاصلے کم ہوگئے

اداکارہ کبریٰ خان اور ہمایوں سعید کے درمیان قربتیں بڑھنے لگیں-فلم کےبعد سیریل کے لیڈ رول میں بھی کاسٹ،ذرائع نے بتایا ہے کہ سکس سگما انٹرٹینمنٹ کی نئی ڈرامہ سیریل “قید تنہائی” میں کبریٰ خان کو لیڈ رول میں کاسٹ کیا گیا ہے جس میں ان کے علاوہ سمیع خان،ارجمند رحیم اور آصف رضا میر سمیت بہت سے دیگر فنکار شامل ہیں-اس سیریل کے ڈائریکٹر سید فیصل بخاری ہیں جن کا کراچی شفٹ ہونے کے بعد وہاں یہ پہلا سیریل ہوگا-یہ امر قابل ذکر ہے کہ کبریٰ خان اس سے پہلے ہمایوں سعید کی فلم”جوانی پھر نہیں آنی 2″میں بھی کام کرچکی ہیں جو عید پر ریلیز ہوگی-ذرائع کا کہنا ہے کہ کبریٰ خان کو ہمایوں سعید کی ہدایت پر اس کردار کے لئے منتخب کیا گیا ہے-

Continue Reading

مقبول خبریں