Khouj English Advertising Privacy Policy Contact Us
Connect with us

شوبز

مقبولیت کی بلندیوں پر

Published

on

usama khan


نوجوان فنکاروں کی پرفارمنس نے ہم ٹی وی سے نشر کئے جانے والے سوپ’سانوری‘کی مقبولیت میں اضافہ کردیا ہے۔اس سوپ کی اب تک 16اقساط نشر کی جاچکی ہیں جن میں تمام فنکاروں نے بہترین پرفارمنس کا مظاہرہ کیا ہے۔ڈرامے کی کہانی ایک ایسے مڈل کلاس گھرانے کے گرد گھومتی ہے جس کا سربراہ مجبوری حالات کا شکار ہے جس کے ساتھ ساتھ اس کی اولاد بھی مزید پریشانی کا باعث ہے،باپ کی کوشش ہے کہ اسے اولاد سے سکھ ملے لیکن ایسا نہیں ہوتا کیونکہ ان کا بیٹا تعلیم کی بجائے غیر اخلاقی سرگرمیوں میں ملوث ہے جبکہ چھوٹی بیٹی کو کسی اور سے کوئی دلچسپی نہیں،بڑی بیٹی نہ صرف والدین کا خیال رکھتی ہے بلکہ تعلیم میں بھی دلچسپی لیتی ہے جبکہ چھوٹی بہن کو بننے سنورنے سے ہی فرصت نہیں ملتی۔شمع اور اجالا کے کردار سحرخان اور زینب شبیر نے جبکہ ان کی والدہ کا کردار کنزیٰ ملک نے اداکیا ہے۔اس سوپ میں لاہور سے تعلق رکھنے والے نوجوان اداکار اسامہ خان کو بھی متعارف کرایا گیا جنہوں نے تبریز کا کردار کیا ہے جو نہایت امیر عورت کا بیٹا ہے جسے اولاد سے زیادہ دلچسپی بزنس میں ہے،تبریز حادثاتی طور پر ملنے والی اجالا کے عشق میں گرفتار ہے اور شادی کا خواہش مند بھی ہے لیکن اس کی والدہ راستے کی رکاوٹ بن جاتی ہے۔زین افضل بھی اہم کردار کررہے ہیں۔ناظرین کا کہنا ہے کہ ڈرامے کی مقبولیت میں کنزیٰ ملک،زینب شبیر،سحرخان اور اسامہ خان کا بڑا عمل دخل ہے۔ڈرامے کی گزشتہ روزنشر ہونے والی قسط کے بعد ناظرین کی دلچسپی میں اضافہ ہوگیا ہے کہ کیونکہ تبریز کی والدہ اس کی منگنی اپنی دوست کی بیٹی سے کردیتی ہے جوکسی طرح بھی تبریز کے لئے قابل قبول نہیں ہے۔اس بارے میں اسامہ خان کا کہنا ہے کہ پہلی قسط نشر سے مجھے’سانوری‘کا بہت اچھا رسپانس مل رہاہے۔اس سوپ کی رائٹر عابدہ احمد،ڈائریکٹر کامران اکبرخان اور پروڈیوسر مومنہ درید ہیں۔

شوبز

فلم ’ آنکھیں‘ کا سیکوئل بنانے کا اعلان

Published

on

film ankhain1

بھارتی میڈیا رپورٹس کے مطابق ہدایتکار انیس بزمی نے فلم ’آنکھیں‘ کے سیکوئل کی تصدیق کرتے ہوئے کہا کہ 2002 میں ریلیز ہونے والی فلم کا سیکوئل بنانے کا عمل کئی ماہ سے قانونی تنازع کی زد میں تھا تاہم اب یہ مسٔلہ حل ہو گیا ہے۔

انیس بزمی نے کہا کہ پہلی بار ہے کہ میں امیتابھ بچن کے ساتھ کام کررہا ہوں کیوں کہ لاکھوں لوگوں کی طرح میں بھی اُن کا مداح ہوں، یہ میرے لئے اچھا موقع ہے اور میں اس فلم کے سیکوئل کے ساتھ انصاف کرنے کی ہر ممکن کوشش کروں گا، فلم کی شوٹنگ 2019 کے وسط میں شروع کی جائے گی اور 2020 میں سنیما گھروں کی زینت بنے گی۔

اطلاعات یہ بھی ہیں کہ فلم کے سیکوئل میں ہالی ووڈ کے ایکشن ہیرو جیکی چن کے ساتھ اداکار سوشانت سنگھ راجپوت اور فلم ’سونو کے ٹیٹو کی سویٹی‘ سے شہرت پانے والے اداکار کارتک آریان امیتابھ بچن کے ہمراہ انٹری دیں گے۔

واضح رہے کہ 2002 میں ریلیز ہونے والی فلم ’آنکھیں‘ میں امیتابھ بچن کے ہمراہ اکشے کمار، ارجن رامپال، پاریش راول اور سشمیتا سین نے مرکزی کردار ادا کیے تھے جب کہ فلم کی کہانی 3 اندھے چوروں کے گرد گھومتی ہے جن کو تربیت دے کر ایک بینک میں ڈکیتی کروائی جاتی ہے۔

Continue Reading

شوبز

تیلگو فلموں سے انکار ۔۔۔ نہیں یہ ممکن نہیں

Published

on

ileana d cruz

بالی ووڈ کی اداکارہ ایلینا ڈی کروز نے ان امر کی سختی سے تردیدکی ہے کہ انھوں نے تیلگو فلموں میں کام کرنا چھوڑ دیا ہے۔ ایلینا ڈی کروز نے اپنے تازہ ترین بیان میں کہا کہ میرا فلمی سفر جاری و ساری رہنے کی وجہ تیلگو فلمیں ہیں پھر یہ کیسے ہوسکتا ہے کہ میں تیلگو فلموں میں کام کرنا چھوڑ دوں گی۔ انھوں نے کہا کہ میں بالی ووڈ کی ایک فلم (برفی) میں کام کرنے کی ہامی بھری تب بھی کہا گیا تھا کہ میں نے تیلگو فلموں میں کام کرنا چھوڑ دیاہے لیکن وہ حقیقت نہیں تھی اور اب جبکہ میں رستم،برفی،ہیپی اینڈنگ اور ریڈ جیسی بڑی فلمیں کر چکی ہوں تب بھی میری اولین ترجیح تیلگو فلمیں ہی ہیں۔

Continue Reading

شوبز

باربی ڈول کی قیمت 133 کروڑ 75 لاکھ لگ گئی

Rashid Saeed

Published

on

بالی ووڈ کی باربی ڈول کترینہ کیف ہی نمائش کے لیے پیش کی جانے والی ملٹی سٹار کاسٹ ’’ٹھگز آف ہندوستان ‘‘ نے 133 کروڑ 75 لاکھ کما لیے ۔ 

واضح ہو کہ اس فلم نے اپنی نمائش کے پہلے روز 52 کروڑ 22 لاکھ روپے کما کر ایک نیا ریکارڈ قائم کیا تھا تاہم اگلے 5 دن میں اس کا بزنس شدید متاثر ہوا جس کی وجہ یہ بتائی جاتی ہے کہ یہ فلم شائقین کو متاثر کرنے میں ناکام رہی ۔ یش راج فلمز کے بینر تلے بننے والی اس فلم میں امتیابھ بچن، عامر خان، فاطمہ ثناء شیخ اور کترینہ کیف نے نمایاں اہمیت کے کردار ادا کیے ہیں تاہم اس فلم میں کترینہ کیف فلمایہ جانے والا ایک گیت شائقین میں بے حد مقبول ہوا ہے۔ اس اعتبار سے فلم کی مجموعی آمدن میں کترینہ کیف سب سے زیادہ کماؤ فنکارہ ثابت ہوئی ہیں۔ 

Continue Reading
Advertisement

مقبول خبریں