اداکارہ وینا ملک پاکستان مسلم لیگ (ن) کے صدر اور اپوزیشن لیڈر شہباز شریف کو ’’ڈراما کوئین‘‘ کہنے پر تنقید کا نشانہ بن گئیں۔اپنے بیانات کی وجہ سے تنازعات کی زد میں رہنے والی اداکارہ وینا ملک قائد حزب اختلاف شہباز شریف کے متعلق ٹوئٹ کرنے پر ایک بار پھر تنازعے کی زد میں آگئیں۔ وینا ملک نے شہباز شریف کی گزشتہ روز قومی اسمبلی کے اجلاس میں شرکت اور تقریر کرنے پر ٹویٹ کرتے ہوئے شہباز شریف کو ’’ڈراماکوئین‘‘ کہہ ڈالا۔

تاہم وینا کو ان کی اس حرکت پرسوشل میڈیا پر شدید تنقید کا نشانہ بنایاجارہا ہے، سوشل میڈیا صارفین نے وینا ملک کو آڑے ہاتھوں لیتے ہوئے انہیں کھری کھری سنادیں۔ ایک صارف نے کہا یہ ٹائٹل آپ پر سوٹ کرتا ہے، شہباز شریف نہیں حقیقت میں آپ ڈراما کوئین ہیں۔

اداکارہ کنزیٰ ہاشمی کی نئی ڈرامہ سیریل’ماریہ بنت عبداللہ‘کاپہلا ٹیزر آن ایئر ہوگیا ہے۔سیونتھ سکائی کی اس پروڈکشن میں کنزیٰ ہاشمی نے پہلی بار ایک منفرد کردار کیا ہے جس میں ان کی والدہ ثمن انصاری عیسائی جبکہ وہ مسلمان ہیں۔ڈرامے کی دیگر کاسٹ میں حمزہ فردوس،روبینہ اشرف،صبیحہ ہاشمی،عابدعلی،سیمی پاشا،سکینہ خان ،فائزہ علی،ضیا گورچانی،علی انصاری شامل ہیں۔ ڈرامے کے ڈائریکٹرسلیم گھانچی ہیں جبکہ اسے جیو ٹی وی سے نشر کیا جائے گا۔

اداکارہ ماورا حسین نے اپنی والدہ رضیہ مخدوم کی سالگرہ شانداراندازسے مناتے ہوئے انہیں زبردست الفاظ میں خراج تحسین پیش کیا۔ماوراحسین نے سالگرہ اپنے گھر پر ہی منائی جس کے لئے انہوں نے گھرکو غباروں اور پھولوں سے سجایا ہوا تھا۔ماوراحسین نے والدہ کے ساتھ بنائی گئیں تصاویر سوشل میڈیا پر پوسٹ کرتے ہوئے ایک طویل نوٹ لکھتے ہوئے کہا کہ میں نہایت خوش قسمت ہوں جو مجھے عظیم ماں ملی جس سے میں نے قدم قدم پر بہت کچھ سیکھا۔