سب سے بڑا راز فاش کر دیا

اداکارہ صنم بلوچ نے پہلی بار یہ بات تسلیم کی ہے کہ انہیں طلاق ہوچکی ہے۔اس بات کا اظہار صنم بلوچ نے ثمینہ پیرزادہ کے ساتھ انٹرویو کے دوران کیا جہاں وہ ماضی کی یادیں تازہ کرتی ہوئی آبدیدہ ہوگئیں۔یا درہے کہ صنم بلوچ نے اداکار عبداللہ فرحت اللہ سے اکتوبر 2013میں شادی کی تھی لیکن چار سال بعد ان کے درمیان اختلافات شدت اختیار کرگئے جس کی وجہ سے جنوری2018 میں ان کے درمیان طلاق ہوگئی لیکن دونوں نے یہ بات چھپائے رکھی۔اپریل2018میں جب پہلی بار ’کھوج ‘ نے طلا ق کی خبر بریک کی تو صنم بلوچ نے اسے تسلیم کرنے سے انکار کرتے ہوئے پرزور الفاظ میں تردید کی۔ اسی دوران جب بھی ان سے کسی نے اس بارے میں پوچھا تو صنم بلوچ نے کہا کہ ایسی کوئی بات نہیں ہے جبکہ ان کے سابق شوہر عبداللہ فرحت اللہ بھی اچانک منظرعا م سے غائب ہوگئے اور آج تک سامنے نہیں آئے۔صنم بلوچ نے سوشل میڈیا پر براہ راست گفتگو کے دوران بھی طلاق سے متعلق سوال کا جواب نہیں دیا تھا لیکن اب اپنے انٹرویو میں انہوں نے یہ بات تسلیم کی ہے کہ وہ انہیں طلاق ہوچکی ہے۔ صنم بلوچ نے اس انٹرویو میں اپنی شادی اور طلاق کے متعلق کئی حقائق سے پہلی بار پردہ اٹھایا ہے۔