بالی ووڈ کے کامیاب گلوکار سونو نگم نے اس خواہش کا اظہار کیا ہے کہ کاش ان کی پیدائش بھارت کے بجائے پاکستان میں ہوتی تو اچھا ہوتا۔

سونو نگم بھارتی فلم انڈسٹری کے کامیاب ترین گلوکاروں میں شمار ہوتے ہیں جنہوں نے کئی سپر ہٹ گانوں میں اپنی آواز کا جادو جگایا ہے لیکن وہ اپنے متنازع بیانات کے باعث ہمیشہ ہی شہ سرخیوں میں رہتے ہیں۔ حال ہی میں سونو نگم نے ایک بار پھر ایسا بیان داغا ہے جس نے بھارت میں بھونچال کھڑا کردیا ہے۔

سونو نگم نے بھارت کی میوزک انڈسٹری پر طنز کرتے ہوئے کہا ہے کہ کاش ان کی پیدائش بھارت کے بجائے پاکستان میں ہوتی تو اچھا ہوتا۔ انہوں نے کہا کہ بھارت میں گلوکاروں کے ساتھ برا سلوک کیا جاتا ہے اور گلوکاروں کو گانا گانے کیلئے میوزک کمپنیوں کو پیسے دینے پڑتے ہیں لیکن پاکستانی گلوکاروں کے ساتھ ایسا سلوک نہیں کیا جاتا اور ان سے کوئی بھی فیس نہیں لی جاتی۔ سونو نگم نے مزید کہا کہ ‘اس لیے کبھی کبھی لگتا ہے کہ ہم پاکستان سے ہوتے تو اچھا ہوتا، عاطف اسلم میرے دوست ہیں لیکن انہیں اور راحت فتح علی خان کو بھارت میں شوز کرنے کیلئے پیسے دینے کا نہیں کہا جاتا’۔

فلم، ریڈیو، ٹی وی اور تھیٹرکے مقبول اداکار علی اعجاز77برس کی عمرمیں لاہور میں انتقال کرگئے، وہ فالج اورعارضہ قلب میں مبتلا تھے۔اداکارعلی اعجاز کو دل کا دورہ پڑا جو جان لیوا ثابت ہوا، وہ مزاحیہ ہیرو کے طور پر بہت مقبول ہوئے،انہوں نے 1961ءمیں ’ انسانیت ‘ سے فلمی کیریئر کا آغاز کیاجس کے ڈائریکٹر شباب کیرانوی تھے ۔بعض خاندانی مسائل کی وجہ سے چند سال پہلے ان پر فالج کے حملہ ہوا ۔ حکومت پاکستان نے انہیں14 اگست 1993 کو صدارتی تمغہ حسن کارکردگی سے نوازا ۔انہوں نے 106 فلموں میں اداکاری کے جوہر دکھائے ۔ جن میں 84 پنجابی ،22 اردو اور ایک پشتو فلم شامل تھی۔ ان فلموں میں انسانیت، دبئی چلو، دادا استاد، پیار دا پلہ ، بھائیاں دی جوڑی، یملا جٹ، بد نالوں بدنام برا،عشق میرا ناں ،سادھو اور شیطان، لیلی مجنوں، ظلم کدی نئیں پھلدا، سدھا رستہ ،بادل، سوہرا تے جوائی، مسٹر افلاطون ،نوکر تے مالک، ووہٹی دا سوال اے، باو¿ جی ،دشمن پیارا، اندھیر نگری، دھی رانی ، چور مچائے شور، عشق میرا ناں، بھروسا ،سالا صاحب ،اتھرا پتر، آ پ سے کیا پردہ، سسرال چلو، اور عشق سمندر سمیت بہت سی فلمیں شامل ہیں شامل ہیں۔ انہوں نے ریڈیو پر بھی کئی پروگراموں کی میزبانی کی۔
علی اعجازکا تعلق لاہور کے علاقے قلعہ گوجرسنگھ کی سید فیملی سے تھا ۔ان کے والد کا مزار ملتان روڈ پرہنجروال میں واقع ہے۔علی اعجازکی ابتدا میں ہی دوستی رفیع خاور اورمنور ظریف سے ہی تھی اورانہیں اور منورظریف کو بڑے ظریف صاحب کو دیکھ کر اداکاری کا شوق پیدا ہوا حالانکہ ظریف صاحب اس بات کے سخت خلاف تھے جنہوں نے دونوں کو سختی سے منع کیا ہوا تھا کہ سٹوڈیوکے قریب بھی نظرنہ آنا ۔انہوں نے قومی بنک میں بھی ملازمت کی۔فلموں میں آنے سے پہلے ان کا ڈرامہ ’لاکھوں میں تین‘پی ٹی وی سے سپرہٹ ہوا جس میں ان کے ساتھ قمر چوہدری اور محمد قوی خان نے بھی کام کیا۔اسی ڈرامے میں ان کی پرفارمنس دیکھ کر شباب کیرانوی نے انہیں فلم میں کام کے لئے رابطہ کیا۔انہوں نے اپنے دور کی تمام مشہور اداکاراﺅںکے ساتھ کام کیا ۔وہ نہایت اصول پسند اور کفایت شعار انسان تھے،انہوں نے کیرئر میں کئی مرتبہ کاروبار کرنے کی کوشش بھی کی لیکن اس میں انہیں زیادہ کامیابی نہ ہوئی ۔ایک زمانے میں انہوں نے سکیم موڑ پر وڈیو فلمیں کرائے پر دینےکے لئے دوکان بھی بنائی۔انہوں نے شادی سیالکوٹ میں کی ۔ذرائع سے معلوم ہوا ہے کہ ان کی بیماری کی اصل وجہ بعض خاندانی جھگڑے تھے۔ایک وقت ایسا بھی آیا کہ جب ان کے مالی حالات بہت زیادہ خراب ہوگئے تو عطا ءالحق قاسمی کے پاس ملازمت کے لئے گئے جو اس وقت لاہور آرٹس کونسل کے چیئرمین تھے لیکن قاسمی صاحب نے ملازمت دینے سے انکار دیا ۔ذرائع نے مزید بتایا ہے کہ جب ایک بڑے حکومتی ایوارڈ کے لئے علی اعجازکانام فائنل ہوا تو عطاءالحق قاسمی نے ان سے کہا کہ’تمہاری فائل اسی صورت میں آگے جائے گی جب تم وعدہ کروگے کہ میڈل تمہارااور رقم میری‘۔ علی اعجاز نے ایک ڈرامہ بھی بنایا جو کئی سال تک چینلز نے چلانے سے انکار کردیا اور آخر کار معین اختر کی مداخلت سے ایک پرائیویٹ چینل سے نشر کیا گیا لیکن انہیں اس کے پیسے بھی نہ ملے۔یہ بھی معلوم ہوا ہے کہ علی اعجاز کے نہایت قریبی رشتہ داروںکا سلوک بھی ان کے ساتھ اچھانہیں تھا اور اسی دکھ کی وجہ سے انہیں پہلی بار برین ہیمرج ہوا تھا۔انہوں نے اپنی زندگی کے آخری ایام بھی کسمپرسی میں گزارے۔ انہوں نے بے گھر افراد کی مدد کے لئے علی اعجازفاﺅنڈیشن بھی بنائی جو فنڈز کی کمی کے باعث زیادہ عرصہ کام نہ کرسکی ۔
علی اعجاز نے فلموں میں یاد گار کردار کئے ہیں اور ایک زمانہ ایسا بھی آیا جب رانی،نازلی،اور انجمن جیسی اداکارائیں ان کے ساتھ کام کرنے کے لئے سفارشیں کرایا کرتی تھیں۔ فلموں کے ساتھ ساتھ انہوں نے تھیٹر کے بہت سے ڈراموں میں لازوال کردار کئے اور ان کا شمار ایسے چندفنکاروں میں ہوتا ہے جنہوں نے جوانی میں بڑھاپے کے کردار کئے اور اسی لئے وہ ابتدا میں ہی کریکٹرآرٹسٹ کے طور پر مشہور ہوگئے تھے۔
فلم ،ٹی وی ،ریڈیو اور تھیٹر سے تعلق رکھنے والے بے شمار فنکاروں نے علی اعجاز کی وفات پر تعزیت کا اظہار کیا ہے۔ انہوں نے ہالی ووڈ کی فلم’ٹائیگرکنگ‘میں مارلن برانڈوکے ساتھ بھی کام کیا

وزیراعلیٰ پنجاب سردار عثمان بزدار کا معروف اداکار علی اعجاز کے انتقال پر گہرے دکھ اور افسوس کا اظہار کرتے ہوئے کہا ہے کہعلی اعجاز کے انتقال سے اداکاری کا ایک باب ختم ہو گیا ہے۔

اسٹارز کی شادیوں کی خبروں کے اس سیزن مین حال ہی میں بھارتی میڈیا میں یہ خبریں بھی آئیں کہ اپنی کزن پریانکا چوپڑا کے بعد پرینیتی چوپڑا بھی جلد شادی کے بندھن میں بندھ جانے والی ہیں۔

خبریں تھیں کہ پرینیتی چوپڑا اپنے دیرینہ دوست اور فلم پروڈکشن میں کام کرنے والے چیرت ڈیسائی سے شادی کے بندھن میں بندھ جائیں گی۔

رپورٹس میں کسی اہم اور خاص ذریعے کے بجائے دونوں کی قربت اورایک دوسرے سے ملاقاتوں کو دیکھتے ہوئے دعویٰ کیا گیا کہ پرینیتی اور چیرت آئندہ سال تک شادی کے بندھن میں بندھ جائیں گے۔

اپنی شادی کی خبریں سامنے آنے کے بعد پرینیتی چوپڑا نے بھی خاموشی توڑی اور بتایا کہ شادی کے حوالے سے ان کا کیا منصوبہ ہے۔

پرینیتی چوپڑا نے شادی کی خبروں پر اپنی ٹوئیٹ میں اس خبر کا اسکرین شاٹ بھی شیئر کیا، جس میں بتایا گیا تھا کہ اداکارہ اپنے قریبی دوست سے شادی کرنے والی ہیں۔