تھیٹر مافیا کیخلاف شکنجہ تیار، کرپشن نہیں کرنے دوں گا

fayyaz ul hassan chohan
Avatar WebDesk 1 , دسمبر 06, 2018

صوبائی وزیراطلاعات و ثقافت فیاض الحسن چوہان نے خبر دار کرتے ہوئے کہا کہ تھیٹر مافیا کیخلاف شکنجہ تیار کرلیا ہے اب کسی طرح کی کرپشن کی جازت نہیں ملے گی۔ 

تفصیلات کے مطابق صوبائی وزیر اطلاعات و ثقافت فیاض الحسن چوہان نے ان خیالات کا اظہار ٹاؤن ہال میں نیشنل یوتھ اسمبلی کے پہلے علامتی اجلاس سے خطاب کرتے ہوئے کیا، انہوں نے کہا کہ دیرپا ترقی کے لئے نوجوانوں کا کردار کلیدی اہمیت کا حامل ہے۔ وزیراعظم عمران خان اور وزیراعلیٰ پنجاب نوجوانوں کو ملکی ترقی اور خوشحالی کے لیے بہت اہم سمجھتے ہیں۔

وزیراطلاعات پنجاب فیاض الحسن چوہان نے مستقبل کی قائد سازی کے لئے نیشنل یوتھ اسمبلی کو بہترین پلیٹ فارم قرار دیتے ہوئے کہا کہ پاکستان تحریک انصاف کی حکومت نوجوانوں کو مرکزی دھارے میں لانے کے لئے انقلابی اقدامات کرے گی۔

انہوں نے مزید کہا کہ نیشنل یوتھ اسمبلی کو مستقبل کے قائدین کی تیاری کے لئے اپنے ہرممکن تعاون کا یقین دلایا۔نیشنل یوتھ اسمبلی نے صیح معنوں میں اس فورم کو نوجوانوں کے لئے سنگ میل بنادیا۔نیشنل یوتھ اسمبلی کو خراج تحسین پیش کرتے ہوئے ان کاکہنا تھا کہ یوتھ پارلیمنٹ نوجوانوں کو معاشرے میں اپنی صلاحیتوں کے بہترین اظہار اور آگے بڑھنے کے مواقع فراہم کرتی ہے۔ میں امید کرتا ہوں کہ نیشنل یوتھ اسمبلی مستقبل میں پاک سرزمین کو بہترین قائد فراہم کرے گی۔ 

اس موقع پر صوبائی وزیر اطلاعات و ثقافت نے نومنتخب اراکین یوتھ اسمبلی سے ان کے عہدے کا حلف لیا اور ان کے لیے نیک خواہشات کا اظہار کیا۔اجلاس میں صوبائی وزیرراجہ راشد حفیظ، پنجاب ایجوکیشن فاؤنڈیشن کے چیئرمین ایم پی اے واثق قیوم عباسی، نیشنل یوتھ اسمبلی کے صدر حنان علی عباسی، نیشنل یوتھ اسمبلی کے نومنتخب صوبائی قائد زوہیب خان نیازی اور ڈپٹی قائد میاں عبداللہ بھی شامل تھے۔

بعد ازاں پلاک میں معروف فلم ہدایتکار پرویز کلیم کی کتاب رنگ کی افتتاحی تقریب سے خطاب کرتے ہوئے فیاض الحسن چوہان کا کہنا تھا کہ آج حکومت کو تقریبا سو دن مکمل ہو گئے ہیں۔ 

اس دوران میں نے اپنی منسٹری میں پنجاب کی ثقافت میں بہتری کے لیے قریبا اڑھائی سو ملاقاتیں کی ہیں۔ حکومت فنکاروں کو سہولیات دینے کے لیے سنجیدگی سے کوشش کر رہی ہے، شوبز سے تعلق رکھنے والے افراد کو مراعات دی جائیں گی۔ فنکاروں کو ہیلتھ کارڈ دئیے جائیں گے۔سیاست کی طرح ثقافت سے بھی ہر طرح کے مافیا کو ختم کرنے کے لیے محکمہ ثقافت دن رات کوشاں ہے۔

پنجاب حکومت اپنی قومی ثقافت کو فروغ دینے کا عزم رکھتی ہے۔ ہم پنجاب میں کسی طور غیر ملکی ثقافت کو پروان نہیں چڑھائیں گے۔ بھارتی فلموں کی نمائش پر پابندی کے حق میں ہوں۔ ثقافت صرف ناچ گانے کا نام نہیں ہے۔ الحمرا سے مافیا کاخاتمہ کر کے رہیں گے۔ الحمرا میں ایک نیا سسٹم بنایا ہے جس سے مافیا کو روکا جائے گا۔ میں تھیٹر مافیا کو بتا دینا چاہتا ہوں کہ کسی طرح کی کرپشن کی اجازت اب نہیں ملے گی۔ 

دو ماہ سے زیادہ کسی کو ہال کی بکنگ نہیں کروانے دیں گے۔ میں پرویز کلیم صاحب کو اس کتاب کی اشاعت پر مبارکباد پیش کرتا ہوں۔ کلم کار بہت قابل احترام ہوتا ہے۔ ہمارا مقصد پرویز کلیم، شان، نشو بیگم، اور سیدنور صاحب جیسے لوگوں کو پروموٹ کرنا ہے نا کہ بھارتی فنکاروں کو۔ میرا خواب تھا کہ فنکاروں کے لیے الحمرا آرٹس کونسل کے تحت چار سال کی ڈگری دی جائے۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.