سارہ اورجھانوی کیریئرکےآغاز ہی میں دشمنی پراُترآئیں

بولی وڈ کیریئر کا آغاز کرنے والی آنجھانی اداکارہ سری دیوی کی بیٹی جھانوی کپور اور چھوٹے خان سیف علی خان کی بیٹی سارہ علی خان کے ان دنوں چرچے ہیں۔

دونوں کی پہلی فلمیں گزشتہ برس ہی ریلیز ہوئیں اور اتفاق سے کامیاب بھی ہوگئیں۔

اگرچہ فلمی کیریئر شروع کرنے سے پہلے بھی بھارتی میڈیا میں ان دونوں کے چرچے ہوتے تھے، تاہم اب فلمی دنیا میں قدم رکھنے کے بعد ان میں رقابت پیدا ہونے کی خبریں سامنے آ رہی ہیں۔

جھانوی کپور کی پہلی فلم ’دھڑک‘ تھی، جس نے ریکارڈ کمائی کی، تاہم ان کی تاحال دوسری فلم سامنے نہیں آئی۔

سارہ علی خان کی پہلی فلم ’کیدر ناتھ‘ تھی اور وہ بھی کامیاب گئی، تاہم ان کی پہلی فلم کے محض 2 بعد ہی دوسری فلم ’سمبا‘ بھی ریلیز ہوئی، جس نے کمائی کے نئے ریکارڈ بنائے اور سارہ علی خان دیکھتے ہی دیکھتے اسٹارز کی فہرست میں شمار ہوگئیں۔

دونوں اداکاراؤں کی پہلی فلمیں ہی کامیاب ہونے اور دونوں کو متعدد فلموں میں کام کرنے کی پیش کش ہونے کے بعد یہ سمجھا جانے لگا ہے کہ بولی وڈ کی اگلی سپر اسٹارز یہی ہیں۔

تاہم بھارتی میڈیا میں دونوں کے درمیان دشمنی کی خبریں بھی چل رہی ہیں اور اطلاعات ہیں کہ سارہ علی خان کی ایک کے بعد دوسری فلم کی شاندار کامیابی پر جھانوی کپور خوش نہیں دکھائی دے رہیں۔

دونوں کے درمیان رقابت کی خبریں سامنے آنے کے بعد دونوں نے اس معاملے پر خاموشی توڑی اور بتایا کہ وہ ایک دوسرے کے لیے کیا سوچتی ہیں۔

حال ہی میں دونوں اداکارائیں دیگر نئے ساتھی اداکاروں کے ساتھ راجیو مسند کے پروگرام میں شریک ہوئیں، جہاں انہوں نے اپنے اختلافات، دوستی، دشمنی اور کیریئر سے متعلق کھل کر بات کی۔

سارہ علی خان نے جھانوی کپور سے اپنی رقابت کی خبروں کو مسترد کرتے ہوئے کہا کہ اس میں کوئی سچائی نہیں کہ دونوں ایک دوسرے سے جلتی ہیں۔

سارہ علی خان کا کہنا تھا کہ وہ ایک دوسرے سے جلن رکھنے کے بجائے ایک دوسرے کے کام سے متاثر ہوتی ہیں اور ایک جیسا بننے کی کوشش کرتی ہیں۔

سیف علی خان کی بیٹی نے اپنی پہلی فلم ‘کیدر ناتھ‘ کی پریمیئر تقریب کو یاد کرتے ہوئے بتایا کہ اس دن جھانوی کپور نے خوشی کے ساتھ ان کے ساتھ تصویریں کھچوائیں اور فوٹوگرافرز کو بولا کہ اب انہیں ہم دونوں کی تصاویر کو ملانے کے لیے محنت کی ضرورت نہیں کرنی پڑے گی۔

انہوں نے کہا کہ انہیں حال ہی میں یہ خبر پڑھنے کو ملی کہ ہم دونوں ساڑھی کو محض تفریح حاصل کرنے کے لیے پہنتی ہیں۔

اسی پروگرام میں جھانوی کپور سے سوال کیا گیا کہ کیا وہ سارہ علی خان کی حالیہ کامیابی سے جلتی ہیں، جس پر سری دیوی کی بیٹی نے بہترین جواب دیا۔

جھانوی کپور کا کہنا تھا کہ اگر انہیں کوئی چیز متاثر کرتی ہے تو وہ اچھائی ہی ہے۔

جھانوی کپور نے مزید کہا کہ اگر کبھی کسی وقت سارہ علی خان کا دل کوئی چیز کھانے کے لیے کہ رہا ہوگا اور وہ خود کو کنٹرول نہیں کر رہی ہوں گی تو وہ ان کی تصویر دیکھ کر خود پر قابو پالیں گی۔

سری دیوی کی بیٹی نے بھی دونوں کے درمیان رقابت اور دشمنی کی خبروں کو مسترد کیا۔