’بندش‘ کے ٹیزر آن ایئر کردیئے گئے

اداکارہ زباب رانا کی نئی ڈرامہ سیریل’بندش‘ کے ٹیزر آن ایئر کردیئے گئے ہیں جنہیں دیکھ کر اس کی کہانی کا اندازہ باآسانی لگایا جاسکتا ہے۔عابس رضاکی ڈائریکشن میں بنائی جانے والی اس سیریل میں زباب رانا ساجد حسن اور مرینہ خان کی بیٹی کا کردار کررہی ہیں۔والدین اپنی بیٹیوں کے لئے اچھے رشتوں کی تلاش میںہیں۔زباب رانا کے لئے پائلٹ کا رشتہ آتا ہے لیکن عین نکاح کے وقت پیش آنے والے واقعہ کے بعد کہانی ایک نیا موڑ لیتی ہے۔بگ بینگ پروڈکشن کے اس سیریل میں کالے جادوکو موضوع بنایا گیا ہے۔اس بارے میں زباب رانا کا کہنا ہے کہ پہلے دو ڈراموں کی طرح ناظرین’بندش‘ میں بھی میری پرفارمنس ضرور پسند کریں گے۔یہ سیریل جلد ہی اے آر وائی سے نشر کیا جائے گا۔