ترکی کے تاریخی مقامات پر

اداکاراحسن خان نے ڈرامہ سیریل’الف‘میں اپنا کام مکمل کرادیا ہے۔ احسن خاں ڈرامے کی ریکارڈنگ کے لئے چندروز قبل ترکی گئے تھے جن کے ہمراہ سلیم معراج اور کبریٰ خان بھی تھے۔ترکی میں ریکارڈنگ مکمل کرانے کے بعد احسن خان نے وہاں کے کئی تاریخی مقامات کی سیر کی ۔ انہوں نے حضرت ابوایوب انصاری کا مزار پربھی حاضری دی جہاں انہوں نے خصوصی نوافل اداکئے۔اس بارے میں احسن خان کا کہنا ہے کہ ترکی کا قدرتی حسن ہی نہیں بلکہ تاریخی مقامات بھی اپنی مثال آپ ہیں۔میں جب بھی ترکی آتا ہوں میری کوشش ہوتی ہے کہ تاریخی مقامات کی زیادہ سے زیادہ سیرکروں۔ ایک سوال کے جواب میں انہوں نے بتایا کہ ترکی میں مقیم پاکستانی بھی ہمارے ڈراموں کے دیوانے ہیں۔دریں اثنا گزشتہ رات ہم ٹی وی سے احسن خان کے ڈرامے’آنگن‘کی تیسری قسط نشر کی گئی جس میں ان کی نئی انٹری ناظرین کو بہت پسند آئی اور یہ راز بھی افشا ہوگیا کہ وہ اس سیریل میں ڈبل رول کررہے ہیں۔