آرنلڈ شوازنیگرکی بیٹی نے39 سالہ کرس پراٹ سے شادی کرلی

جراسک ورلڈ، اوینجر: انفنٹی وار اورگارڈینز آف دی گلیکسی جیسی فلموں میں اداکاری کے جوہر دکھانے والے اداکار کرس پراٹ نے اپنی پہلی طلاق ہونے کے محض 2 ماہ بعد ہی منگنی کرلی۔

39 سالہ کرس پراٹ اور اداکارہ 41 سالہ اینا فارس کے درمیان 9 نومبر 2018 کو طلاق ہوئی تھی۔

دونوں نے اگست 2017 میں علیحدگی اختیار کرلی تھی اور دونوں نے طلاق کے لیے عدالت سے رجوع کیا تھا، جس نے ڈیڑھ سال سے زائد عرصے کے بعد ان کی طلاق پر فیصلہ سنایا تھا۔

تاہم اب کرس پراٹ نے طلاق کے محض 2 ماہ بعد ہی ہولی وڈ اداکار، سابق ویٹ لفٹر، سیاستدان، سماجی کارکن اور فلم ساز آرنلڈ شوازنیگر کی خود سے کم عمر بیٹی سے منگنی کرلی۔

کرس پراٹ نے آرنلڈ شوازنیگر کی بیٹی 29 سالہ لکھاری کیتھرین شوازنیگر سے منگنی کی تصدیق اپنی انسٹاگرام پوسٹ کے ذریعے کی۔

https://www.instagram.com/p/Bsmy0gUFIt7/

اداکار نے اپنے انسٹاگرام پر کیتھرین شوازنیگر کے ساتھ رومانوی تصویر شیئر کی اور لکھا کہ وہ اس بات پر بہت خوش ہیں کہ وہ ان سے شادی کرنے جا رہے ہیں۔