عائشہ عمر نے بڑی خوشخبری سنائی

اداکارہ عائشہ عمر بہت جلد ٹی وی پر واپس آرہی ہیں۔ذاتی وجوہات کی بناپرعائشہ عمر نے کافی عرصے سے ٹی وی پر کام نہیں کیا بلکہ وہ فلموں اور فیشن انڈسٹری میں مصروف تھیں لیکن اب انہوں نے پرستاروں کو خوشخبری سنائی ہے کہ نہ صرف وہ ٹی وی پر واپس آرہی ہیں بلکہ مقبول کردار’خوبصورت‘ کے روپ میں ہی واپس آرہی ہیں کیونکہ مقبول ترین سٹ کام’بلبلے‘ کا سیزن ٹو تیاری کے مراحل میں ہیں۔

یاد رہے کہ’بلبلے‘2009 میں اے آر وائی سے شروع ہوا تھا جس میں عائشہ عمر،محمود اسلم ،نبیل ظفراور حنا دلپزیر کے کرداروں نے بے پناہ مقبولیت حاصل کی تھی تاہم 2017 میں اس وقت اسے بند کردیا گیا جب نبیل اے آر وائی چھوڑ کر بول ٹی وی میں چلے گئے تھے۔

ذرائع نے بتایا ہے کہ چینل نے ایک بار پھر پرانی کاسٹ اکٹھی کرلی ہے۔

You might also like

This website uses cookies to improve your experience. We'll assume you're ok with this, but you can opt-out if you wish. Accept