موٹی ناک سے جان چھڑا لی

شوبز انڈسٹری سے وابستہ افراد میں کاسمیٹک سرجری کرانے کا رجحان تیزی سے فروغ پارہا ہے ۔نہ صرف خواتین بلکہ بہت سے مرد بھی سرجری کے ذریعے شکل وصورت تبدیل کراچکے ہیں لیکن مردوں کی نسبت عورتوں میں یہ رجحان اب زیادہ دیکھنے میں آرہا ہے ۔ایسی بے شمار اداکارائیں ہیں جنہوں نے حال ہی میں اپنے چہرے،ناک اور ہونٹوں کی سرجری کرائی ہے ۔اس فہرست میں اب غنا علی کا نام بھی شامل ہوگیا ہے جنہوں نے کچھ عرصہ پہلے اپنے ناک کی سرجری کرائی کیونکہ ان کی ناک کافی موٹی تھی۔

اس بارے میں غنا علی کا کہنا ہے کہ مجھے اپنی ناک بالکل بھی پسند نہیں تھی کیونکہ وہ بہت موٹی تھی دس مرلے کی شکل پر جب آٹھ مرلے کی ناک ہوگی تو اسے تبدیل کرنا ہی بہتر تھا۔اداکارہ نے مزید بتایا کہ میں نے وزن کم کرنے کے لئے کئی طرح کی ادویات بھی استعمال کیں۔

You might also like