نیوزی لینڈ کی تاریخ کا سیاہ ترین دن

Avatar Ashfaq Hussain , مارچ 15, 2019

نیوزی لینڈ کی وزیر اعظم جیکینڈا آرڈرن نے کہا ہے کہ کرائسٹ چرچ کی مساجد پر ہونے والے دہشت گردوں کے حملے میں 40افراد جاں بحق ہوئے۔ وزیر اعظم نیوزی لینڈ نے مسجد میں فائرنگ کے واقعے کے حوالے سے میڈیا سے گفتگو کرتے ہوئے واقعے کی شدید الفاظ میں مذمت کی۔

انہوں نے کہا کہ یہ نیوزی لینڈ کا سیاہ ترین دن ہے، مساجد پر باقاعدہ منصوبہ بندی کے ذریعے حملہ کیا گیا۔انہوں نے تصدیق کی کہ کرائسٹ چرچ کی مساجد میں فائرنگ کرنے والا حملہ آور آسٹریلوی باشندہ ہے، حملہ آور دائیں بازو سے تعلق رکھنے والا انتہا پسند اور متشدد دہشت گرد ہے۔

واضح رہے کہ نیوزی لینڈ کے شہر کرائسٹ چرچ میں آج نماز جمعہ کے موقع پر دہشت گرد حملہ کیا گیا جس میں 40 افراد جاں بحق اور متعدد زخمی ہوئے ہیں۔پولیس نے فائرنگ کے الزام میں خاتون سمیت 4 افراد کو حراست میں لیا ہے۔نماز ادا کرنے کے لیے مسجد آئے ہوئے بنگلا دیشی کرکٹ ٹیم کے کھلاڑی اس حملے میں محفوظ رہے ہیں۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.