سب سے بڑا صارف

برطانیہ میں منشیات کے استعمال سے ہونے والی اموات میں 29 فیصد اضافہ ہوا ہے خاص طور پر کوکین، فینٹانل اور میفیڈرون نامی منشیات جو چین سے غیرقانونی طور پر ڈارک ویب کے ذریعے درآمد کی جاتی ہیں۔ منشیات کے استعمال کے خلاف کام کرنے والے کارکنوں کا کہنا ہے کہ حکومت کو اس سلسلے میں اقدامات کرنے چاہییں۔کوکین سے اموات میں اضافہ ہوا، 2017 میں انگلینڈ اور ویلز میں 3756 لوگ غیرقانونی منشیات کے استعمال سے موت کے منہ میں پہنچے۔ ان میں سے دو تہائی اموات منشیات کے غلط استعمال کے باعث ہوئیں۔ برطانیہ میں منشیات کے ہاتھوں مرنے والوں کی تعداد یورپی یونین سے تین گنا زیادہ ہے۔ سب سے زیادہ خطرناک نشہ آور دوا فینٹانل ہے، جب کہ دوسرے نمبر پر کوکین ہے، جس کے باعث 2017 میں 432 افراد جان سے ہاتھ دھو بیٹھے۔اس سال کے اوائل میں برطانیہ ‘تیزی سے یورپ میں کوکین کا سب سے بڑا صارف بنتا جا رہا ہے۔ تازہ ترین ڈیٹا کے مطابق انگلینڈ کا شمالی مشرقی حصہ زیادہ متاثر ہوا ہے، اور وہاں منشیات کے ہاتھوں مرنے والوں کی شرح 83 فی دس لاکھ ہے، جب کہ لندن میں یہ شرح سب سے کم ہے۔

You might also like