امریکی تاریخ میں بڑا سانحہ: نظام زندگی مفلوج، حکام پریشان

Tropical cyclone in america
Avatar WebDesk 2 , اکتوبر 11, 2018

واشنگٹن: خوف ناک سمندری طوفان ’مائیکل‘ نے امریکی ریاست فلوریڈا میں تباہی مچادی ہے۔ جس کے بعد وہ جارجیا کی جانب بڑھ رہا ہے، جب کہ مختلف حادثات میں 2 افراد بھی ہلاک ہوچکے ہیں۔

امریکی نشریاتی ادارے سی این این کے مطابق سمندری طوفان کے باعث کئی علاقے پانی میں ڈوب گئے، تیز ہواو¿ں کی وجہ سے کئی درخت اور بجلی کے کھمبے اکھڑ گئے، سڑکیں بھی زیر آب آگئیں۔

250 کلومیٹر کی رفتار سے چلنے والی ہواو¿ں کے باعث کئی گھروں کی چھتیں اڑ گئیں، بجلی اور مواصلات کا نظام درہم برہم ہوگیا۔ ایئرپورٹس پر شیڈول فلائٹ بھی منسوخ کردی گئیں۔

فلوریڈا کے حکام کا کہنا ہے کہ طوفان کے باعث متاثرہ 6 ہزار 700 افراد نے 54 شیلٹرز میں پناہ لی ہے، جہاں انہیں بنیادی ضروریات کی اشیا فراہم کی جارہی ہیں۔

1992 میں آنے والے اینڈریو طوفان کے بعد مائیکل نامی طوفان کو خطرناک ترین قرار دیا جارہا ہے۔

حکام کا کہنا ہے کہ طوفان جوں جوں جارجیا کی جانب بڑھ رہا ہے، اس کی شدت میں کمی آرہی ہے۔ سمندری ہوائیں 20 میل فی گھنٹہ کی رفتار سے چل رہی ہیں۔

Tofan in america 2
khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.