Connect with us

کشمیر

ایک اورشہید

Published

on

ایک اورشہید

مقبوضہ کشمیر میں بھارت کی ریاستی دہشت گردی جاری ہے، رات گئے کارروائی میں ایک شخص کو شہید اور ایک کو زخمی کر دیا، چار دن میں شہادتوں کی تعداد بارہ ہو گئی۔ پولیس نے فوجیوں کے خلاف مقدمہ درج کر لیا ہے، دوسری جانب کشمیریوں کے خصوصی حقوق کی شق کو آئین سے منسوخ کرنے کے لئے خلاف وادی میں مکمل شٹر ڈاؤن ہڑتال کی جا رہی ہے۔ مقبوضہ کشمیر میں ریاستی دہشت گردی جاری ہے، قابض فوج نے ضلع رامبان کی تحصیل گول کے علاقے کوہلی میں رات گئے نہتے شہریوں پر گولی چلا دی، شفیع گجر موقع پر ہی شہید ہو گئے جبکہ شکیل احمد کو تشویشناک حالت میں ہسپتال داخل کروا دیا گیا ہے۔ گزشتہ چار دن میں قابض فورسز کے ہاتھوں شہادتوں کی تعداد بارہ ہو گئی ہے، دوسری جانب بھارتی حکومت کے آئین میں تبدیلی کے متنازعہ فیصلے کے خلاف وادی بھر میں دو روزہ شٹر ڈاؤن ہڑتال کی جا رہی ہے۔ ہڑتال کی کال حریت رہنماؤں اور تاجروں کی تنظیموں نے دی ہے۔ بھارتی حکومت آئین کے آرٹیکل پینتیس الف کو منسوخ کرنے کی تیاری کر رہی ہے، اس آرٹیکل کے تحت غیر کشمیری وادی میں جائیداد نہیں خرید سکتے اور نہ ہی ملازمت کر سکتے ہیں۔ بھارتی پارلیمنٹ کل اس آرٹیکل کو منسوخ کر سکتی ہے۔

کشمیر

یوم سیاہ

Published

on

یوم سیاہ

بھارت کے یوم آزادی پر مقبوضہ کشمیر میں یوم سیاہ منایا جا رہا ہے اور کاروبار زندگی معطل ہے۔
کشمیری میڈیا سروس کے مطابق مشترکہ مزاحمتی قیادت کی کال پر آج مقبوضہ وادی میں مکمل شٹر ڈاؤن ہڑتال اور احتجاج کیا جائے گا جب کہ بھارت مخالف احتجاج روکنے کے لیے قابض انتظامیہ نے وادی کو فوجی چھاؤنی میں تبدیل کردیا۔ حریت رہنما سید علی گیلانی، میرواعظ عمر فاروق اور یاسین ملک کی جانب سے احتجاج کی کال کے بعد سری نگر سمیت وادی بھر میں تمام چھوٹی بڑی دکانیں، بازار اور اسکولز بند ہیں جب کہ سڑکوں پر ٹریفک بھی معمول سے کم ہے۔ دوسری جانب وادی میں بھارتی فوج، پیراملٹری اور پولیس اہلکاروں کی بڑی تعداد تعینات کردی گئی ہے اور بلند عمارتوں پر شارپ شوٹر بھی تعینات ہیں۔

Continue Reading

کشمیر

قومی پرچم لہرا دیا

Published

on

قومی پرچم لہرا دیا

پاکستان کے یوم آزادی پر مقبوضہ کشمیر میں ایک بار پھر قومی پرچم لہرا دیا گیا جبکہ جانثار کشمیر نے 14 اگست کے موقع پر سری نگر کے لال چوک میں بھارتی ترنگا لہرانے کی کوشش ناکام بنا دی اور اسے پاﺅں کے نیچے روند ڈالا۔
تفصیلات کے مطابق پاکستان سمیت دنیا بھر میں یوم آزادی پاکستان انتہائی جوش و خروش سے منایا جارہا ہے اور پوری دنیا میں پاکستانی قومی دن کو ملی جوش و جذبے سے منا رہے ہیں اور سفارتخانوں میں یوم آزادی پر کیک کاٹے جا رہے ہیں اور خصوصی تقاریب کا انعقاد کیا جا رہا ہے ۔ یوم آزادی پاکستان پر مقبوضہ وادی میں کشمیریوں نے ایک بار پھر قومی پرچم لہرا دیا اور سری نگر کے لال چوک میں بھارتی ترنگا لہرانے کی کوشش ناکام بنا دی اور اسے پاﺅں کے نیچے روند ڈالا۔ اس موقع پر مقبوضہ کشمیرمیں فضانعرے تکبر ،اللہ اکبر کے نعروں سے گونجتی رہی ،اس موقع پر کشمیریوں کا پاکستان سے محبت کا جذبہ دیدنی تھی لوگ قومی پرچم کو اپنے سینے سے لپیٹ رکھا تھا۔ کشمیریوں نے اس موقع پر بھارت مخالف نعرے بھارت کا جو یار ہے غدار غدار ہے ،گو انڈیا گو کے نعرے بھی لگائے۔

Continue Reading

کشمیر

3 کشمیری شہید

Published

on

3 کشمیری شہید

بھارتی فوج نے مقبوضہ کشمیر میں سرچ آپریشن کے دوران نے 3 کشمیری شہید کر دیئے- میڈیا رپورٹس کے مطابق مقبوضہ کشمیر کے ضلع بارہ مولا کے علاقے رفیع آباد میں بھارتی فوج نے نام نہاد سرچ آپریشن اور محاصرے کے دوران مزید 3 کشمیری نوجوانوں کو شہید کردیا جب کہ علاقے میں 2 روز میں شہید ہونے والوں کی تعداد 5 ہوگئی ہے جاری آپریشن کے دوران گن شپ ہیلی کاپٹر بھی استعمال کیا جا رہا ہے واضح رہے کہ علاقے کے داخلی اور خارجی راستوں کو بند کردیا گیا۔

Continue Reading

مقبول خبریں