ولی عہد کی صدر، وزیراعظم اورآرمی چیف سے میٹنگزشیڈول

دورہ پاکستان کے دوران سعودی ولی عہد محمد بن سلمان کی صدر ، وزیراعظم اور آرمی چیف سے ملاقات شیڈو ہے، دونوں ممالک کی کاروباری شخصیات بھی ملاقاتیں کریں گی، دفتر خارجہ نے تفصیلات جاری کردیں۔

تفصیلات کے مطابق دفتر خارجہ نے سعودی ولی عہد کے دورہ پاکستان کی تفصیلات جاری کر دی ہیں جن کے مطابق ولی عہد بننے کے بعد محمد بن سلمان کا یہ پہلا سرکاری دورہ پاکستان ہوگا۔ سعودی ولی عہد صدر مملکت عارف علوی، وزیراعظم عمران خان اور آرمی چیف قمر جاوید باجوہ سے ملاقاتیں کریں گے۔

پاکستانی سینیٹ کا وفد بھی شہزادہ محمد بن سلمان سے ملاقات کرے گا جس کے بعد سعودی وزراء دو طرفہ تعاون بڑھانے کے لیے پاکستانی ہم منصب وزیروں سے ملاقاتیں کریں گے۔ دفتر خارجہ کے مطابق دونوں ممالک کی کاروباری شخصیات کے مابین نجی شعبے میں تعاون بڑھانے کے لیے ملاقاتیں بھی شیڈول ہیں۔

You might also like

This website uses cookies to improve your experience. We'll assume you're ok with this, but you can opt-out if you wish. Accept