وزیراعلیٰ بلوچستان جام کمال کا کہنا ہے کہ ماضی میں نہ تو بلوچستان کے مسائل کی طرف توجہ دی گئی اور نہ ہی حل کرنے کی کوشش کی گئی۔

کوئٹہ میں نیا پاکستان ہاؤسنگ منصوبے کی افتتاحی تقریب سے خطاب کرتے ہوئے وزیراعلیٰ بلوچستان جام کمال کا کہنا تھا کہ بلوچستان کے حوالے سے وزیراعظم کی سنجیدگی پر مشکور ہیں، موقع ملا تو مل کر ماضی کے پیدا کردہ مسائل حل کریں گے، ماضی میں نہ تو بلوچستان کے مسائل کی طرف توجہ دی گئی اور نہ ہی حل کرنے کی کوشش کی گئی، حکمران اور سیاست دان وہ ہوتے ہیں جو ملکی مسائل کو حل کرتے ہیں۔

وزیراعلیٰ بلوچستان جام کمال نے کہا کہ ملک میں جو خامیاں رہی ہیں ہم سب اس کا حصہ ہیں تاہم ماضی کے حل طلب صوبے کے مسائل حل کریں گے، اس ملک اور صوبے کو اللہ تعالیٰ نے بڑے وسائل دیے ہیں۔ انہوں نے کہا کہ ملک اور صوبے کو آگے لے جانے میں مشکلات آئیں گئی تاہم نیت صحیح ہو تو مشکلات حل ہوجائیں گی۔

وزیراعلیٰ بلوچستان کا کہنا تھا کہ پاکستان میں بہت سے لوگ ایسے ہیں جن کے پاس چھت کے ساتھ روزگار نہیں ہے، اصل حکمران ملک کے مستقبل کیلئے پلاننگ کرتا ہے، صوبے کی بہتری کے لیے افواج بھی ہمارے ساتھ شریک ہیں، آج کا نوجوان ٹیکنالوجی سے وابستہ ہے اور معلومات رکھتاہے، موجودہ نسل میں ملک کو ترقی دینے کی مکمل صلاحیت ہے۔

وزیراعظم عمران خان نے کوئٹہ میں نیا پاکستان ہاؤسنگ اسکیم کا سنگ بنیاد رکھ دیا۔ 

وزیراعظم عمران خان نے کوئٹہ میں نیا پاکستان ہاؤسنگ اسکیم کا سنگ بنیاد رکھ دیا۔

اس سے قبل وزیراعظم عمران خان مختصر دورے پر کوئٹہ پہنچے جہاں وزیراعلیٰ بلوچستان جام کمال نے ان کا استقبال کیا جب کہ وزیراعظم نے ہزارہ برادری کے وفد سے بھی ملاقات کی اور شہدا کے لواحقین سے ہمدردی کا اظہار کیا۔

 سابق وفاقی وزیرعامر کیانی کا کہنا ہے کہ عمران خان کا فیصلہ تسلیم کرتا ہوں مگر ادویات کی قیمتیں بڑھانے میں میرا قصور نہیں تھا۔ 

سابق وفاقی وزیر صحت عامر کیانی نے وزارت سے ہٹائے جانے پر رد عمل دیتے ہوئے کہا کہ دکھ ہوا کہ مجھ پر نااہلی کا الزام لگ گیا مگر حقائق ایسے نہیں ہیں، ادویات کی قیمتیں کچھ مسلم لیگ (ن) کی کابینہ نے بڑھائی اور کچھ ڈالر کی وجہ سے بڑھیں۔

عامر کیانی کا کہنا تھا کہ 345 ادویات کی قیمتوں میں 2.4 فیصد اضافے کا فیصلہ مسلم لیگ (ن) کے دور میں کیا گیا، مسلم لیگ (ن) کی کابینہ کے منظورکردہ بل کے باعث 100 روپے کی دوائی 240 تک چلی گئی، جو ہم نے قیمت بڑھائی اس سے معمولی اضافہ ہوا، ڈالر کی قیمت کے باعث ہم نے دوسری ادویا ت کی قیمتوں میں 2 سے 9 فیصد اضافہ کیا جب کہ مسلم لیگ (ن) میرے دعوی کو چیلنج کرے حقائق سامنے لے آوں گا۔

سابق وفاقی وزیر نے کہا کہ عمران خان پراعتماد ہے، وہ بندوق دیکر بارڈر پر بھی بھیج دیں تو جانے کو تیار ہوں، عمران خان عوام کا دکھ برداشت نہیں کرسکتے، ادویات قیمتیں بڑھنے پرمضطرب تھے، عمران خان کی نظرعوام پر ہے اور مجھے ان کا فیصلہ تسلیم ہے وہ میرے لیڈر ہیں۔