شیخ رشید نے بلاول بھٹوکو ایسی دھمکی لگادی کہ وہ

sh rasheed
Avatar WebDesk 2 , مارچ 15, 2019

شیخ رشید نے بلاول بھٹو کو ایجنٹ قرار دے دیا۔ وفاقی وزیر ریلوے نے لطیف کھوسہ، اعتراز احسن اور مولا بخش چانڈیو سے کہا کہ وہ بلاول کو سمجھالیں ورنہ ٹویٹ کر دوں گا۔

وفاقی وزیر ریلوے شیخ رشید نے میڈیا سے گفتگو کرتے ہوئے کہا تمام شواہد نیب کو دے دیے، شاہد خاقان عباسی کا اہم کردار تھا، بہت پہلے کہہ دیا تھا مارچ، اپریل میں جھاڑو پھرے گا، سابق حکومت کی لوٹ مار کے باعث بے حد محنت کرنی پڑ رہی ہے۔

قبل ازیں شیخ رشید نے ایل این جی کیس میں نیب کی مشترکہ تحقیقاتی ٹیم کو اپنا بیان ریکارڈ کرا دیا۔ وفاقی وزیر ریلوے ایل این جی سکینڈل کی تحقیقات کرنے والی جے آئی ٹی کے روبرو پیش ہوئے، بطور شکایت کنندہ اپنے بیان میں وزیر ریلوے نے الزام عائد کیا کہ مسلم لیگ ن کی حکومت نے مہنگے داموں ایل این جی خرید کر قومی خزانے کو نقصان پہنچایا۔

یاد رہے ایل این جی کیس میں نیب نے سابق وزیراعظم شاہد خاقان عباسی کو 26 مارچ کو طلب کر رکھا ہے۔ نیب کے مطابق سابق وزیراعظم نواز شریف، سابق وزیر پیٹرولیم شاہد خاقان عباسی اور دیگر کیخلاف قواعد سے ہٹ کر ایل این جی درآمد اور ٹرمینل ٹھیکہ دینے کا الزام ہے، جس سے قومی خزانے کو اربوں روپے کا نقصان ہوا۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.