زرداری اورنوازشریف کوانجن بدلنے کا مشورہ

sh rasheed
WebDesk 2 WebDesk 2 , مارچ 16, 2019

وفاقی وزیر ریلوے شیخ رشید احمد نے سابق صدر آصف علی زرداری اور سابق وزیر اعظم میاں نواز شریف کو انجن بدلنے کا مشورہ دے ڈالا ۔

وفاقی وزیر ریلوے شیخ رشید کراچی میں لوکو شیڈ ریلوے ورکشاپ پہنچے تو کارکنوں نے ان کا والہانہ استقبال کیا ،اس موقع پر خطاب کرتے ہوئے انہوں نے کہا کہ بلاول بچہ بن کر کھیلے تو اچھا ہے ورنہ سیاسی موت مارا جائے گا۔

انہوں نے کہا کہ ابھی تو بلاول کو کچھ نہیں کہا ہے، مجھ ڈر ہے کہ کہیں بلاول کپڑے پھاڑ کر میرے خلاف تھانے نہ چلا جائے اور ایف آئی آر نہ کٹوا دے۔

ان کا یہ بھی کہنا ہے کہ اسلام سے تعلق بری بات ہے تو میں جرم قبول کرتا ہوں، ملک لوٹنے والے ڈاکو، چور اور لٹیرے آج ضمانتیں کرواتے پھر رہے ہیں۔

مزدوروں سے خطاب میں شیخ رشید کا کہنا تھا کہ آج ریلوے مزدوروں کی وجہ سے چل رہی ہے، مزدوروں کو ایک ماہ میں تین ہزار روپے اضافی الاؤنس دیا جائے گا۔

انہوں نے کراچی سے دو نئی ٹرینیں چلانے کا اعلان کرتے ہوئے کہا کہ وزیر اعظم عمران خان جلد چین جائیں گے جہاں 1700 کلو میٹر ریلوے ٹریک کا معاہدہ کیا جائے گا۔

وزیر ریلوے نے یہ بھی کہا کہ ریلوے کے ریٹائرڈ ملازمین کے لیے پیکیج لایا جارہا ہے جس سے وہ با آسانی اپنا گھر بناسکیں گے۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.