پی ایس ایل کا فائنل ,نامور شخصیات گراؤنڈ میں

Avatar Ashfaq Hussain , مارچ 17, 2019

پاکستان سپر لیگ کے چوتھے ایڈیشن کا فائنل دیکھنے کے لیے صدر مملکت عارف علوی سمیت سیاسی اور شوبز سے وابستہ نامور شخصیات گراؤنڈ میں موجود ہوں گی۔

پی ایس ایل 4 کا فائنل ٹاکرا آج نیشنل اسٹیڈیم کراچی میں کوئٹہ گلیڈی ایٹرز اور پشاور زلمی کے درمیان ہوگا جس میں صدر مملکت عارف علوی مہمان خصوصی ہوں گے۔
انٹرنیشنل کرکٹ کونسل کے چیف ایگزیکٹو ڈیو رچرڈ اور چیئرمین پاکستان کرکٹ بورڈ احسان مانی بھی پی ایس ایل فائنل دیکھنے کے لیے اسٹیڈیم میں موجود ہوں گے جب کہ سابق کرکٹرز کی بھی آمد متوقع ہے۔سیاسی شخصیات میں چیئرمین پیپلز پاڑٹی بلاول بھٹو زرداری، گورنر سندھ عمران اسماعیل، وزیراعلی سید مراد علی شاہ اور وزیر ریلوے شیخ رشید بھی فائنل مقابلہ گراؤنڈ میں بیٹھ کر دیکھیں گے۔پی ایس ایل فائنل کی اختتامی تقریب میں 23 مارچ کا مکمل تھیم سونگ بھی پیش کیا جائے گا جس پر گلوکار ساحر علی بگا پرفارم کریں گے، اداکار فواد خان، آئمہ بیگ، ذوہیب حسن اور دیگر بھی پرفارم کرنے والوں میں شامل ہیں۔

پشاور زلمی کی ایمبیسڈر ماہرہ خان، گل پنڑہ، مایا علی، ثناء جاوید، ہمایوں سعید اور دیگر شوبز شخصیات  کی شرکت بھی متوقع ہے۔پی ایس ایل فائنل کی اختتامی تقریب شام 6 بجے ہوگی جب کہ رات 8 بجے کوئٹہ گلیڈی ایٹرز اور پشاور زلمی پی ایس ایل 4 کے ٹائٹل کے لیے آمنے سامنے ہوں گی۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.