عید الفطر کے بعد نیا وزیراعلیٰ پنجاب کون، چہ مگوئیاں شروع

عید الفطر کے بعد وزیراعلیٰ پنجاب سردار عثمان بزدار کو تبدیل کرنے کا فیصلہ کرلیا گیا ہے اس سلسلہ میں پارٹی چیئرمین وزیراعظم عمران خان کی جانب انہیں واضح پیغام پہنچا دیا گیا ہے۔

کھوج نیوز ذرائع کے مطابق ضمانت پر رہائی پانے والے عبدالعلیم خان نئے وزیراعلیٰ پنجاب ہوں گے، علیم خان نے اپنی رہائی کے فوراً بعد مختلف سیاسی شخصیات اور اراکین پنجاب اسمبلی سے ملاقاتیں شروع کر دی ہیں۔

یہ امر قابل ذکر ہے کہ علیم خان کو عام انتخابات کے فوراً بعد ہی وزیراعلیٰ پنجاب بنائے جانے کا فیصلہ کیا گیا تھا تاہم ان پر نیب نے موجود مقدمات کی وجہ سے وزارت اعلیٰ کی ذمہ داری نہیں دی گئی تھی۔ ذرائع کا کہنا ہے کہ نیب نے علیم خان کو کلین چٹ تھما دی ہے۔

You might also like