’’کیا راؤ انوار کا کاروبار بیرون ملک ہے؟‘‘

WebDesk3 WebDesk3 , مئی 16, 2019

سپریم کورٹ آف پاکستان میں سابق ایس ایس پی ملیر راؤ انوار کا نام ای سی ایل سے نکالنے سے متعلق کیس کی سماعت کے دوران جسٹس عمر عطا بندیال نے استفسار کیا کہ راؤ انوار پولیس افسر ہیں بیرونِ ملک کیوں جانا چاہتے ہیں، کیا ان کا بیرون ملک کاروبار ہے؟سپریم کورٹ نے نظر ثانی کی درخواست عدالتی فیصلے کے ساتھ دوبارہ دائرکرنے کا حکم دے دیا۔کیس کی سماعت جسٹس عمر عطا بندیال کی سربراہی میں 3 رکنی بینچ نے کی۔سابق ایس ایس پی ملیر راؤ انوار کے وکیل نے دوران سماعت کہا کہ کورٹ نے نقیب اللہ کے قتل کا نوٹس لیا تھا، راؤ انوار عدالت میں پیش ہوئے تھے، عدالت نے انہیں ضمانت دی تھی۔

جسٹس عمر عطا بندیال نے کہا کہ ای سی ایل سے نام نکلوانے کا ایک طریقہ ہے،آپ کہتے ہیں کہ ضمانت پرہیں تو نام ای سی ایل سے بھی نکالا جائے۔انہوں نے استفسار کیا کہ راؤ انوار پولیس افسر ہیں تو بیرون ملک کیوں جانا چاہتے ہیں، کیا بیرون ملک ان کا کاروبار ہے؟

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.