جاپانی سفیر کی وزیراعظم سے ملاقات ، سرمایہ کاری بڑھانے پر غور

وزیراعظم عمران خان نے کہا ہے کہ پاکستان تمام شعبوں میں سرمایہ کاری کے لیے جاپانی سرمایہ کاروں کو خوش آمدید کہتا ہے۔ آج اسلام آباد میں وزیر اعظم عمران خان سے جاپانی سفیر کنینوری متسودا نے ملاقات کی، جس میں پاکستان، جاپان دو طرفہ تعاون بڑھانے اور علاقائی صورت حال پر تبادلۂ خیال کیا گیا۔

وزیراعظم عمران خان نے ملکی ترقی میں جاپان کے کردارکی تعریف کی اور کہا کہ جاپان پاکستان کی ترقی میں بہ طور شراکت دار ساتھ رہا۔ملاقات سے متعلق جاری سرکاری اعلامیے میں کہا گیا ہے کہ ملاقات میں جاپان کے ساتھ سرمایہ کاری بڑھانے اور انسانی وسائل کے فروغ پر گفتگو کی گئی، آئی ٹی، سیاحت اور زراعت کے شعبے میں بھی تعاون کے فروغ پر تبادلۂ خیال کیا گیا۔

You might also like