وفاق میں اعلیٰ سطح پر تقرروتبادلے

WebDesk 4 WebDesk 4 , مئی 16, 2019

وفاقی حکومت نے بیوروکریسی میں اعلیٰ سطح پر تبادلے اور تقرریاں کر دی ہیں۔ گریڈ 21 کے ڈاکٹر کاظم نیاز کو ایڈیشنل سیکرٹری سٹیبلشمنٹ ڈویژن تعینات کر دیا گیا۔ ڈاکٹر کاظم نیاز وزیراعظم آفس میں ایڈیشنل سیکرٹری تعینات تھے۔ گریڈ 21 کے محمد علی شہزادہ کو ایڈیشنل سیکرٹری وزیراعظم آفس تعینات کر دیا گیا ہے، وہ اس سے قبل ایڈیشنل سیکرٹری کابینہ ڈویژن تعینات تھے۔

گریڈ 21 کے کیپٹن ریٹائرڈ شیر عالم محسود کو ایڈیشنل سیکرٹری وزارت صنعت وپیداوار تعینات کر دیا گیا ہے۔ وہ سٹیبلشمنٹ ڈویژن میں تقرری کے منتظر تھے۔گریڈ 21 کے آصف حیدر شاہ کو ایڈیشنل سیکرٹری کابینہ ڈویژن تعینات کر دیا گیا ہے، وہ سٹیبلشمنٹ ڈویژن میں اپنی تقرری کے منتظر تھے۔ سٹیبلشمنٹ ڈویژن کی جانب سے تبادلوں اور تقرریوں کے نوٹیفیکیشن جاری کر دیا گیا ہے۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.