انتخابی عمل داغ دار

WebDesk 1 WebDesk 1 , جولائی 27, 2018

ایم کیو یم پاکستان کے کنوینر ڈاکٹر خالد مقبول صدیقی نے کہا ہے کہ ہم شہری علاقوں کے نتائج کو مستردکرتے ہے، چیف الیکشن کمشنر نے انتخابات کے عمل کو داغ دار کر دیا ہے، چیف الیکشن کمیشن فوری طور پر مستعفی ہوجائے، انتخابات میں پاکستان کی بدترین دھاندلی کی گئی ، اصل ہاتھ 6 بجے کے بعد دیکھایا گیا،پولنگ ایجنٹس کو باہر نکالا گیا اورپھر نتیجہ تبدیل کیا گیا۔
تفصیلات کے مطابق کراچی میں پریس کانفرنس کرتے ہوئےخالد مقبول صدیقی نے کہا کہ سندھ کے شہری علاقوں میں پری پول رگنگ کی گئی ہے،متعصبانہ حلقہ بندیاں کی گئی ،اصل ہاتھ 6 بجے دکھایا گیا ،پولنگ ایجنٹ کو باہر نکالا گیا اور پھر نیتجہ تبدیل کیا گیا۔ انہوں نے کہا کہ پاکستان کی بدترین دھاندلی کی گئی ہے، چیف الیکشن کمیشن فوری طور پر مستعفی ہوجائے ، چیف الیکشن کمیشن نے الیکشن کے عمل کو داغ دار کردیا ہے،عمران خان کو مبارکباد پیش کرتے ہیں لیکن جو کچھ بھی ہورہا ہے وہ صرف ایک قوم کے خلاف کیا جارہا ہے،ہم جلد اپنے آئندہ کے لائحہ عمل کا اعلان کریں گے۔انہوں نے کہا کہ کراچی کے نتائج میں کیوں اتنی تاخیر ہوئی؟ہم گواہ ہیں کہ دھاندلی ہوئی ہے،ہمارے پولنگ ایجنٹس نے نتیجے بنتے دیکھے نہیں ہیں۔انہوں نے کہا کہ الیکشن میں ڈکیتی ڈالی گئی ہے شہری علاقوں کے مینڈیٹ پر، ہم شہری علاقوں کے نتائج کو مستردکرتے ہیں۔اس موقع پر ڈاکٹر فاروق ستار نے کہا کہ یہ جو کام ہوا ہے باریک کام ہوا ہے،وقت ختم ہونے کے بعد دھاندلی ہوئی، حکمت عملی یہ تھی پوسٹ پول ریگنگ کی گئی،فارم 45 دیا ہی نہیں گیا تو کس طرح نتائج تسلیم کریں ؟یہ جو رزلٹ دئیے جارہے ووٹنگ کے نہیں سیٹنگ کے دئیے گئے ہیں ۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.