Khouj English Advertising Privacy Policy Contact Us
Connect with us

پاکستان

فیض آباد دھرنا ۔۔۔ مشکلات میں مزید اضافہ

Rashid Saeed

Published

on

khadim hussain rizvi

تحریک لبیک پاکستان کے سربراہ مولانا خادم حسین رضوی کی مشکلات میں مزید اضافہ ، تحریک لبیک کے نومبر 2017ء میں فیض آباد دھرنے کے معاملے پر لیجانا والا از خود نوٹس سماعت کیلئے مقرر ۔ 

تفصیلات کے مطابق فیض آباد دھرنا از خود نوٹس کی سماعت جسٹس مشیر عالم کی سربراہی میں 2 رکنی بینچ 16 نومبر کو کرے گا جب کہ بینچ میں جسٹس قاضی فائز عیسیٰ بھی شامل ہیں۔

از خود نوٹس کو سماعت کے لیے مقرر کرتے ہوئے عدالت عظمیٰ نے اٹارنی جنرل، سیکرٹری داخلہ، سیکرٹری دفاع ، آئی جی اسلام اور پیمرا کو بھی نوٹسز جاری کر دیئے ہیں جبکہ دوسری سپریم کورٹ نے ٹی ایل پی کی بطور سیاسی جماعت رجسٹریشن کرنے پر الیکشن کمیشن سے بھی ریکارڈ طلب کر لیا ہے۔ 

یاد رہے کہ گزشتہ سماعت کے دوران جسٹس قاضی فائز عیسیٰ نے ریمارکس دیئے تھے کہ تحریک لبیک کو سیاسی جماعت کے طور پر کس طرح رجسٹرڈ کیا گیا یہ پر تشدد واقعات میں ملوث ہے اور جو جماعت ایسے واقعات میں ملوث ہوتی ہے اس کو سیاسی جماعت کے طور پر رجسٹرڈ نہیں کیا جا سکتا۔ 

ذرائع نے بتایا ہے کہ تحریک لبیک پاکستان کے فیض آباد دھرنے کی وجہ سے اسلام آباد پولیس کا کل خرچہ 19 کروڑ 55 لاکھ روپے آیا جبکہ میٹرو سٹیشن کی توڑ پھوڑ اور بندش کے باعث قومی خزانے کو 6 کروڑ 60 لاکھ روپے کا نقصان اٹھانا پڑا تھا۔

پاکستان

پاکستان کا آخری آئی ایم ایف پروگرام ہوگا

Published

on

asad umar

وفاقی وزیر خزانہ اسد عمر کا کہنا ہے کہ پاکستان 19 واں آئی ایم ایف پروگرام لینے جارہا ہے تاہم یہ پاکستان کا آخری آئی ایم ایف پروگرام ہوگا۔

وزیر خزانہ نے کہا کہ ہم چاہتے ہیں کہ عالمی مالیاتی فنڈ (آئی ایم ایف) کے پاس نہ جانا پڑے، آئی ایم ایف نے آج پہلی بار ہمارے سامنے رکھا ہے کہ معیشت کی بہتری کیلئے کیا کیا کرنے کی ضرورت ہے۔

اسدعمر نے کہا کہ آئی ایم ایف کے ساتھ مذاکرات جاری ہیں، کچھ دنوں میں صورتحال واضح ہوجائے گی، آئی ایم ایف کے پاس جانے کے فیصلے میں تاخیر کا تاثر غلط ہے۔

انہوں نے کہا کہ پاکستان اسٹیل ملز سمیت دیگر اداروں کو ری اسٹرکچرنگ کی ضرورت ہے، ہم نے ایل پی جی کے سلنڈر پر ٹیکس 30 فیصد سے کم کر کے 10 فیصد کردیا ہے، ہم نے صرف صاحب ثروت افراد پر ٹیکس لگایا ہے۔

وزیر خزانہ نے کہا کہ 30 نومبر کے بعد پاکستان میں اسمگل کرکے لایا گیا کوئی فون کام نہیں کرسکے گا۔

خیال رہے کہ آئی ایم ایف کا وفد ان دنوں پاکستان کے دورے پر ہے اور پیکج کے حوالے سے مذاکرات کے مختلف ادوار 20 نومبر تک جاری رہیں گے۔


گزشتہ روز وفد نے وزیر خزانہ اسد عمر سے ملاقات کی تھی۔ وزارت خزانہ کے اعلامیے کے مطابق وزیر خزانہ اسد عمر نے آئی ایم ایف مشن کے سربراہ سے معیشت کے مختلف شعبوں سے متعلق ابتدائی تخمینوں پر تبادلہ خیال کیا جبکہ معیشت سے متعلق تحریک انصاف کی حکومت کے وژن پر بھی تبادلہ خیال کیا

Continue Reading

پاکستان

وزیراعظم ہاوٴس کے اخراجات میں مزید کمی

Published

on

pm house

ترجمان وزیراعظم افتخار درانی نے کہا ہے کہ کفایت شعاری مہم کے تحت وزیراعظم ہاوٴس کے سالانہ اخراجات میں 14 کروڑ 70 لاکھ روپے کی کمی کی جائے گی۔

افتخار درانی کا کہنا تھا کہ وزیراعظم آئندہ سیشن سے ایوان میں ارکان کے سوالات کے جوابات دینے کا سلسلہ شروع کر رہے ہیں۔

اسلام آباد میں نیوز کانفرنس کرتے ہوئے ترجمان وزیراعظم افتخار درانی کا کہنا تھا کہ وزیراعظم عمران خان نے اپنی سرکاری رہائشگاہ کی تزئین و آرائش پر 2 لاکھ 32 ہزار روپے اپنی جیب سے ادا کر دیے ہیں۔

اس کے علاوہ بنی گالہ میں ذاتی رہائشگاہ کی سیکیورٹی پر آنے والے اخراجات بھی وزیراعظم نے اپنی جیب سے ادا کئے ہیں۔ سرکاری خزانے سے ایک روپیہ خرچ نہیں کیا گیا۔

افتخار درانی نے بتایا کہ وزیراعظم نے اکتوبر میں سرکاری رہائشگاہ میں مہمانوں کی ریفرشمنٹ کا 66 ہزار اور نومبر میں 29 ہزار روپے کا بل خود ادا کیا۔

وزیراعظم ہاوٴس کے 524 ملازمین میں سے 200 ملازمین کو دیگر محکموں میں بھیج دیا گیا ہے، دوسرے مرحلے میں مزید 125 ملازمین کا وزیراعظم ہاوٴس سے تبادلہ کر دیا جائے گا۔

ترجمان وزیراعظم نے بتایا کہ وزیراعظم ہاوٴس کے پٹرول پر 40 لاکھ روپے اور ملازمین کے یونیفارم پر 37 لاکھ روپے کی بچت ہو گی۔ ایک سوال پر افتخار درانی کا کہنا تھا کہ اپوزیشن چاہتی ہے کہ اس کا احتساب روک دیا جائے، اس لئے وہ قومی اسمبلی اور سینیٹ کا ماحول خراب کر رہی ہے۔

انہوں نے بتایا کہ قومی اسمبلی قواعد میں ترمیم کے بعد وزیراعظم آئندہ سیشن سے ایوان میں ارکان کے سوالات کے جوابات دینے کا سلسلہ شروع کر دیں گے۔

Continue Reading

پاکستان

حکومتی صفوں میں دراڑیں پڑنے لگیں

Published

on

hamza shabaz

ن لیگ پنجاب کی پارلیمانی پارٹی اجلاس کی اندرونی کہانی، اجلاس میں تمام اراکین کی حاضری سے اپوزیشن لیڈر حمزہ شہباز خوش، کہتے ہیں پوری کوشش ہو گی کی سینیٹ کے انتخابات میں کامیابی حاصل کریں، ن لیگ پوری طرح میاں نواز اور میاں شہباز شریف کی قیادت میں متحد ہے۔ اپوزیشن لیڈر پنجاب اسمبلی میاں حمزہ شہباز کی صدارت میں مسلم لیگ ن کی پارلیمانی پارٹی کا اجلاس لاہور میں ہوا۔ حمزہ شہباز کاکہنا تھا کہ پوری کوشش ہو گی کی سینیٹ کے انتخابات میں کامیابی حاصل کریں، تمام اراکین مقررہ وقت پر اسمبلی میں پہنچیں، بہت سارے حکومتی اراکین کے ساتھ رابطے میں ہیں۔

ان کا کہنا تھا کہ حکومتی صفوں میں دراڑیں پڑنا شروع ہو گئی ہیں، ن لیگ پوری طرح میاں نواز اور میاں شہباز کی قیادت میں متحد ہے، وقت دور نہیں جب عوام خود ہی جھوٹے لوگوں کو ایوانوں سے باہر پھینک دیں گے۔حمزہ شہباز نے کہا کہ اگرآپ لوگ متحد رہے تو دنیا کی کوئی طاقت عوام کی خدمت سے نہیں روک سکتی، اپنے اپنے گروپس کے لیڈر سے سینیٹ ووٹ کے متعلق رہنمائی حاصل کریں۔ انہوں نے کہا کہ تحریک انصاف کی ناکامیاں جلد کھل کر سامنے آجائیں گی، دھاندلی زدہ حکومت کو عوام نے اب تک قبول نہیں کیا۔

Continue Reading
Advertisement

مقبول خبریں