خیبرپختونخوا كی جیلوں میں ایچ آئی وی ایڈز و ہیپٹائٹس سمیت  دیگر خطرناک امراض میں مبتلا قیدیوں كی تعداد میں مسلسل اضافے كے باعث گنجان آباد جیلوں میں مہلک بیماریوں  كے پھیلاؤ اورہائی رسک رویوں سے متعلق سروے كروانے كا فیصلہ كیا گیا ہے۔

ذرائع كا كہنا ہے كہ جیلوں میں مہلک امراض كے پھیلاؤ سے متعلق  بائیولوجیكل اور بیہوریل سروے كی روشنی میں امراض پر قابو پانے كیلئے اقدامات اٹھائے جائیں  گے، محكمہ صحت كی جانب سے اس سلسلے میں آئی جی جیل خانہ جات خیبرپختونخوا كو جاری ایک مراسلے میں  بتایا گیا ہے كہ قیدیوں  میں  امراض سے متعلق محكمہ صحت، محكمہ جیل خانہ جات، نیشنل ایڈز پراونشل ایڈزكنٹرول پروگرام اور یواین ایجنسیزكے درمیان متعدد اجلاس ہوئے جبكہ یونائٹڈ نیشنزآفس آ ن ڈرگز اینڈ كرائم كی جانب سے صوبے كے جیلوں میں ڈاكٹرز اور پیرامیڈیكس كو ایچ آئی وی كی روک تھام، اسكریننگ اور علاج سے متعلق تربیت بھی دی گئی، تاہم بیماریوں  كے بڑھتے ہوئے كیسزكے پیش نظر اسٹڈی كی ضرورت ہے۔

مراسلے كے مطابق  سسٹینبل ڈویلپمنٹ گولز (ایس ڈی جیز )كے اہداف میں  2030 تك جیلوں  میں  ایڈز كی وباء پر قابوپانا اورتمام مریضوں  كو علاج معالجے تک رسائی یقینی بنانا،بھی شامل ہے،محكمہ كی جانب سے پشاورسنٹرل جیل كے علاوہ صوبے كی دیگر جیلوں  میں  بھی سروے  كرانے كی سفارش كی گئی ہے تاكہ ان جیلوں  میں  كمیونیكیبل ڈیزیز جیسے ایڈز، ہیپاٹائٹس سی اور ٹی بی سے متاثرہ مریضوں میں مرض كے پھیلاؤ اورہائی رسک رویوں  جسكی وجہ سے یہ امراض پھیلتے ہیں ، سے متعلق جائزہ لیاجاسكے اوراسكی روشنی میں  پلاننگ كی جاسكے اوربیماریوں  كی روك تھام، علاج اور بہتر كیئر كیلئے موثر اقدامات اٹھائے جاسكیں ۔

ذرائع كا كہنا ہے كہ صوابی جیل سے گزشتہ سال ہیپٹائٹس سی كی بڑی تعداد میں  مریض رپورٹ ہوئے تھے جسكی وجہ سے صوابی جیل كو پائلٹ پراجیكٹ كیلئے منتخب كیا گیا ہے. بتایا جارہاہے كہ  پشاور سنٹرل جیل میں  دوران اسكریننگ ایچ آئی وی ایڈز اور ہیپاٹائٹس بی اور سی كے علاوہ ٹی بی كا شكار قیدیوں  كی بڑی تعداد رپورٹ ہوئی تھی جسكے بعد اب اس سروے كا فیصلہ كیا گیا ہے۔

پنجاب حکومت کا بڑا کانامہ، پنجاب کی جیلوں میں سحر اور افطار کے لیے 27 کروڑ 28 لاکھ 67 ہزار روپے جاری کردیئے گئے ۔

پنجاب حکومت نے صوبے بھر کی 37 جیلوں میں موجود تمام قیدیوں کے لئے سرکاری طور پر افطاری اور سحری کا اہتمام کرنے کا فیصلہ کیا ہے،اس مقصد کے لئے آئی جی جیل خانہ جات کے حکم پر13 لاکھ 96 ہزار 700 لیٹر دودھ، 6 لاکھ 21 ہزار 220لیٹر کوکنگ آئل، 4 ہزار 135 کلو گرام چائے کی پتی، 39 ہزار 615 بوتل مشروب حاصل کیا جارہا ہے۔

سحر اور افطار کے لیے فراہم کئے جانے والے سامان کی کل لاگت 27 کروڑ 28 لاکھ 67 ہزار روپے ہوگی اور یہ فنڈز باقاعدہ جاری کر دیئے گئے ہیں، یہ تمام سامان جیلوں کے کچن انتظامیہ کو فراہم کیا جائے گا جو سحری اور افطار کا سامان تیار کریں گے۔

ملیر میں پراپرٹی ڈیلر خاتون کو مبینہ طور پر اجتماعی زیادتی کا نشانہ بنائے جانے کا مقدمہ ملیر سٹی پولیس نے خاتون سحرش کی مدعیت میں نامزد ملزمان کے خلاف درج کرلیا۔

ایس ایچ او نیو کراچی انسپکٹر طاہر حسین نے بتایا کہ خاتون نے تھانے میں اپنے ساتھ ہونے والے واقعے سے متعلق درخواست جمع کرائی تھی جس پر قانونی تقاضے پورے کرتے ہوئے خاتون کو میڈیکل لیٹر دیا اور اس کا بیان بھی قلمبند کیا۔

ان کا کہنا تھا کہ خاتون نیو کراچی کے علاقے سے کسی کے ساتھ کار میں گئی تھی تاہم جو میں واقعہ جسے خاتون بتا رہی ہے وہ ملیر کے علاقے میں پیش آیا تھا جو کہ ملیر سٹی تھانے کی حدود میں آتا ہے بعدازاں ڈی ایس پی ملیر سٹی کی ہدایت پر واقعے کا مقدمہ ان کے علاقے میں درج کرلیا گیا ہے۔