انڈیکس میں 1002 پوائنٹس کی کمی، ڈالر مزید مہنگا

dolor index
WebDesk 2 WebDesk 2 , دسمبر 06, 2018

 پاکستان اسٹاک مارکیٹ میں ہزار پوائنٹس سے زائد کی کمی، انڈیکس 38 ہزار 300 کی سطح پر بند ہوا ، دوسری جانب روپے کے مقابلے ڈالر کی قیمت میں مزید اضافہ ہو گیا۔

کاروباری دن کے چوتھے روز بھی پاکستان اسٹاک ایکسچینج میں مندی کا رجحان رہا، سرمایا کاروں نے حصص کی خریداری کے بجائے ان کی فروخت میں زیادہ دلچسپی لی جس کے باعث اختتام پر 100 انڈیکس 1002 پوائنٹس کی کمی کے بعد 38 ہزار 300 پوائنٹس کی سطح پر بند ہوا۔

آج ہونے والی گراوٹ کے باعث سرمای کاروں کے 150 ارب روپے سے زائد ڈوب گئے۔ دوسری جانب روپے کے مقابلے ڈالر کی قیمت میں اضافہ ہوا، انٹر بینک میں ڈالر 14 پیسے اضافے کے بعد 138 روپے 74 پیسے پر بند ہوا جبکہ اوپن مارکیٹ میں ڈالر 50 پیسے اضافے سے 139 روپے 30 پیسے پر فروخت ہوا۔

معاشی تجزیہ کاروں کے مطابق ادائیگیوں میں اضافے کے سبب جاری کھاتوں خسارہ بھی بڑھ رہا ہے، جس کے باعث زرمبادلہ کے ذخائر میں بھی کمی رجحان ہے، دوسری طرف حکومت کے جانب سے رقم کا بندوبست ہونے کے حوالے سے کوئی واضع بیان بھی سامنے نہیں آ رہا، یہی وجہ ہے کہ ڈالر کی قیمت میں اضافہ اور اسٹاک مارکیٹ میں مندی کا رجحان ہے۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.