تجاوزات آپریشن بد نیتی پر مبنی،فاروق ستار

farooq satar
Avatar WebDesk 2 , دسمبر 07, 2018

کراچی پریس کلب میں ایم کیوایم پاکستان بحالی کمیٹی کی جانب سے منعقدہ پریس کانفرنس سے خطاب کرتے ہوئے فاروق ستار نے کہا کہ سپریم کورٹ نے صرف ناجائز قابضین اور تجاوزات کو ہٹانے کا حکم دیا ہے تاہم وسیم اختر اور کے ایم سی کے افسران ،مراد علی شاہ اور  سعید غنی ظلم ڈھا رہے ہیں۔

فاروق ستار نے کہا کہ جہاں انکروچمنٹ صاف کی جارہی ہیں اس سے سب خوش ہیں، فٹ پاتھ خالی ہونے چاہیے  اورسڑکیں ٹریفک کے لئے خالی ہونی چاہیےاس مقصد کے لیے  ہم ساتھ ہیں لیکن آپریشن کرنے والے بدنیتی سے کام کررہے ہیں اور سپریم کورٹ کے حکم کی نفی اور توہین کی جارہی ہے، جب کوئی بڑے منصوبے بنتے ہیں تو انکروچرز کو بسایا جاتا ہے،جیسے تربیلہ اور منگلہ ڈیم کے متاثرین کو باعزت منتقل کیا گیا جو اب یو کے میں بستے ہیں لیکن کراچی میں راتوں رات شب خون مارا گیا ،روزگار چھینا گیا  اور گھروں کے چولے بند کردیے یہ سراسر ظلم ہے جسے بند ہونا چاہیے،ہم نے تہیہ کیاہے کہ اب یہ توڑ پھوڑ برداشت نہیں کریں گے ۔

فاروق ستار کا مزید کہنا تھا کہ کراچی کو پٹے پر دینے اور نیا نو آبادیاتی نظام وضع کرنے کی تیاری ہورہی ہے ہماری معیشت کو اگر پٹے پر دیا جائیگا تو ہمیں منظور نہیں ہے ہم سب کی محنت پر پانی پھر جائیگا، آنکھ بند کرکے آپریشن نہ کریں اس سے بدامنی اور جرائم میں اضافہ ہوگا۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.