بلاول نے حکمرانوں کو للکارا تو نوٹس آ گیا: کائرہ

qamar zaman kaira
Avatar WebDesk 2 , دسمبر 08, 2018

رہنما پیپلز پارٹی قمر زمان کائرہ نے کہا ہے کہ بلاول نے جب حکمرانوں کو للکارا تو اُن کے خلاف نوٹس آ گیا۔

لاہور میں پریس کانفرنس کرتے ہوئے پیپلز پارٹی وسطی پنجاب کے صدر قمر زمان کائرہ کا کہنا تھا کہ وزیراعظم ایف آئی اے کے ذریعے حکومت چلا رہے ہیں۔

انہوں نے کہا کہ ایف آئی اے غیر جانبدار نہیں رہا کیونکہ ڈی جی ایف آئی اے کا بھائی پیپلز پارٹی کے خلاف الیکشن لڑا۔

ان کا کہنا تھا کہ علیمہ خان کا کیس نیب کو نہیں بھیجا جا رہا، اور نہ ہی کوئی جے آئی ٹی بنی، حکومت ایف بی آر کے ذریعے معاملے کو گول کر رہی ہے۔

قمر زمان کائرہ نے کہا کہ خان صاحب اور ان کے وزیر اطلاعات منی ٹریل سب سے مانگتے ہیں، علیمہ خان کی بھی منی ٹریل دیں۔

انہوں نے کہا کہ حکومت کے تمام تر دعوؤں کے باوجود معاشی صورت حال ٹھیک نہیں ہوئی، 50 لاکھ گھر اور ایک کرڑور نوکریاں لوگوں کو نہیں ملیں۔

رہنما پیپلز پارٹی کا کہنا تھا کہ بلاول نے جب حکمرانوں کو للکارا تو ان کے خلاف نوٹس آ گیا۔

انہوں نے مزید کہا کہ پیپلز پارٹی نے نہ کبھی رعایت مانگی اور نہ کبھی مانگے گی۔

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.