سابق وزیراعظم میاں نواز شریف کی جلد رہائی متوقع

العزیزیہ سٹیل ملز ریفرنس میں سابق وزیراعظم میاں نواز شریف کی جلد رہائی متوقع، اسلام آباد ہائیکورٹ نے سزا معطلی کے خلاف درخواست سماعت کیلئے منظور کر لی۔

العزیزیہ ریفرنس میں سزا معطلی کے حوالہ سے نواز شریف کے وکلاء کا کہنا ہے کہ سابق وزیراعظم میاں نواز شریف کو آئندہ چند ہفتوں میں رہائی مل جائے گی کیونکہ اس کیس میں ان کے خلاف کوئی ٹھوس ثبوت نہیں ہیں جن کی بناء پر سزا برقراررہ سکے۔ وکلاء کا مزید کہنا تھا کہ ہم نے کیس کے فیصلے کا باریک بینی سے مطالبہ کیا تھا ہمیں اس کیس میں ایسا کچھ نظر نہیں آیا جس سے نواز شریف کی سزا برقرار رہ سکے۔ 

نواز شریف کے وکلاء کا مزید کہنا تھا کہ العزیزیہ ریفرنس میں سزا معطلی کے لیے تین بار درخواست دی گئی جس کو دو مرتبہ اعتراضات لگا کر واپس کر دیا گیا تھا لیکن تیسری بار اسلام آباد ہائیکورٹ نے درخواست کو منظور کرتے ہوئے 7 جنوری سماعت کے لیے مقرر کر دی ہے۔