پورٹ قاسم کمپنی میں بھارتی باشندوں کا انکشاف

پورٹ قاسم پرکام کرنیوالی کمپنی قاسم انٹرنیشنل ٹرمینل پاکستان لمیٹڈ کے بورڈآف ڈائریکٹرز میں دو بھارتی باشندے شامل کیے جانیکاانکشاف ہواہے۔

جس کیلئے سکیورٹیزاینڈایکسچینج کمیشن آف پاکستان کودستاویزات جمع کروا دی ہیں تاہم ایس ای سی پی نے قاسم انٹرنشل ٹرمینل پاکستان لمیٹڈکے بورڈ آف ڈائریکٹرز میں بھارتی باشندوں کی نامزدگی کیلئے موصول ہونیوالے فارم29 پر معاملہ کلیئرنس کیلئے وزارت داخلہ کوبھجوادیاجبکہ بھارتی باشندوں کو بورڈ آف ڈائریکٹرز میں شامل کرنے کیلئے نامزدگی پر قاسم انٹرنیشنل پاکستان لمیٹڈاورمیسرز ڈی پی ورلڈ کی بھی سکیورٹی کلیئرنس کیلئے وزارت داخلہ کولیٹر لکھ دیاگیا۔

ترجمان ایس ای پی کاکہناہے کہ قاسم انٹر نیشنل ٹرمینل پاکستان لمیٹڈ کی جانب سے بورڈآف ڈائریکٹرز کیلئے انکی شیئر ہولڈنگ کمپنی میسز ڈی پی ورلڈ کی جانب سے نامزد کیے جانیوالے دو بھارتی باشندوں کوشامل کرنے کے حوالے سے فائل کردہ ریٹرنزکو ابھی منظورنہیں کیاگیابلکہ سکیورٹی کلیئرنس کیلیے وزارت داخلہ کو بھجوایا گیا ہے۔

ترجمان کاکہناہے کہ ان کے علم میں آیا ہے کہ قاسم انٹر نیشنل ٹرمینل پاکستان لمیٹڈ کی جانب سے بورڈآف ڈائریکٹرزشامل کیے جانیوالے بھارتی باشندے بورڈ چھوڑ چکے ہیں اور وہ کمپنی کی ڈائریکٹرزشپ پر نہیں ہیں تاہم اسٹریٹجک بندرگاہ پرکام کرنیوالی قاسم انٹر نیشنل ٹرمینل کی طرف سے بورڈ آف ڈائریکٹرز میں بھارتی باشندوں کی شمولیت کی کوشش کرنے پرمذکورہ کمپنی اور اسکی شئیر ہولڈنگ کمپنی میسز ڈی پی ورلڈ کی سکیورٹی کلیئرنس بارے بھی وزارت داخلہ کو لکھ دیا گیا۔

You might also like