نوازشریف کوانتقام کا نشانہ بنانا ناقابل قبول

farooq haider
Avatar WebDesk 2 , جنوری 12, 2019

وزیراعظم آزادکشمیر راجہ فاروق حیدر نے کہا ہے کہ نوازشریف پاکستان کے تین دفعہ منتخب وزیراعظم اورکروڑوں عوام کے مسلمہ قائد ہیں، انہیں انتقام کا نشانہ بنانا ناقابل قبول ہے۔

نواز شریف کی خرابی صحت پر تشویش کا اظہار کرتے ہوے وزیراعظم آزادکشمیر راجہ فاروق حیدر  نے کہا کہ جیل حکام سابق وزیراعظم کو فوری ریلیف فراہم کریں،کشمیریوں کو نواز شریف کی صحت سے متعلق خبروں پر سخت تشویش ہے، ان کی صحت پہلے ہی ٹھیک نہیں، نواز شریف تک ڈاکٹروں کو فوری رسائی دی جائے،نوازشریف نے آزادکشمیرکے شہریوں پرجواحسانات کیے انہیں کبھی نہیں بھولیں گے ۔

راجہ فاروق حیدرخان نے کہا کہ یہ امر انتہائی افسوسناک اورقابل مذمت ہے کہ انہیں ذاتی معالج تک رسائی نہیں دی جارہی، نواز شریف اس ملک کے مسلمہ لیڈر ہیں،محسن پاکستان نواز شریف کو بہترین طبی سہولتوں کی عدم فراہمی افسوسناک ہے۔وزیراعظم آزادکشمیر نے کہا کہ حالات خواہ جیسے بھی ہوں وہ اوران کی جماعت اپنے قائد کے ساتھ چٹان کی طرح کھڑی ہے، احسان فراموشی ہمارے خون میں نہیں،نوازشریف نے بطوروزیراعظم ستر سالوں میں پہلی بار آزادکشمیر کا ترقیاتی بجٹ دوگنا کیا ، وہ واحد وزیراعظم تھے جنہوں نے آزادکشمیر کےسب سے زیادہ دورے کیے

khouj

Established in 2017, Khouj is a news website, which aims at providing news from all the spheres of life. In the contemporary world, Khouj News aims at providing authentic news unlike other major news sources on social media.